ଚଣ୍ଡିଖୋଲ : ଏନଡିଏ ସମର୍ଥିତ ରାଷ୍ଟ୍ରପତି ପ୍ରାଥିନି ଦ୍ରୌପଦୀ ମୁର୍ମୁ ବୁଧବାର ଅପରାହ୍ନରେ ମୟୂରଭଞ୍ଜରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ବଡ଼ଚଣା ଭାରତୀୟ ଜନତା ପାର୍ଟି ପକ୍ଷରୁ ବିଧାନସଭା ପ୍ରାର୍ଥୀ ତଥା ବିଜେପି ରାଜ୍ୟ ସାଧାରଣ ସମ୍ପାଦକ ଅମର ନାୟକଙ୍କ ନେତୃତ୍ୱରେ ଜିଲ୍ଲା ଯୁବମୋର୍ଚ୍ଚା ସମ୍ପାଦକ ପ୍ରିତମ କୁମାର ନାୟକ, ଜିଲ୍ଲା ମହିଳା ଉପସଭାପତି ତଥା ନାରୀ ନେତ୍ରୀ ଦେବଜାନୀ ପ୍ରଧାନ, ଚିନ୍ମୟୀ ସାହୁ, ବଟକୃଷ୍ଣ ଜେନା, ଦୀପକ ସାମଲ, ନୃସିଂହ ହୋତା, ଲିପୁନ ସେନାପତି, ପବିତ୍ର ରାଉତ ସମେତ ବଡ଼ଚଣା ବିଜେପିର ଶତାଧିକ କାର୍ଯ୍ୟକର୍ତ୍ତା କର୍ମୀମାନେ ଚଣ୍ଡିଖୋଲଛକ ଠାରେ ଏକତ୍ରିତ ହୋଇ ରାଷ୍ଟ୍ରପତି ପ୍ରାଥିନି ଆଦରଣୀୟ ମୁର୍ମୁଙ୍କୁ ଫୁଲତୋଡ ଦେଇ ସ୍ୱାଗତ ସମ୍ବର୍ଦ୍ଧନା କରିଥିଲେ । ଶାନ୍ତିଶୃଙ୍ଖଳା ରକ୍ଷା କରିବା ପାଇଁ ବଡ଼ଚଣା ଥାନା ଅଧିକାରୀ ସୁଶିଲ କୁମାର ନାୟକ, ଚଣ୍ଡିଖୋଲ ଫାଣ୍ଡି ଅଧିକାରୀ ଚିତ୍ତରଞ୍ଜନ ଜେନା, ଟ୍ରାଫିକ ଥାନା ଅଧିକାରୀ ଭୁବାନାନନ୍ଦ ବେହେରା ଉପସ୍ଥିତ ଥିଲେ ।
