ସୁବର୍ଣ୍ଣପୁର : ଆଜି ସୁବର୍ଣ୍ଣପୁର ଜ଼ିଲ୍ଲା ପୋଲିସ ଅଫିସଠାରେ ନୂତନ ଏସପି ଅମରେଶ ପଣ୍ଡାଙ୍କ ଦ୍ୱାରା ଦୁଇ ଗୋଟି ଇଆରଏସଏସ ଭ୍ୟାନର ଶୁଭ ଉଦଘାଟନ ହୋଇଯାଇଛି । ବୀରମହାରାଜପୁର ଥାନା ଓ ସୋନପୁର ସଦର ମହକୁମାର ପୁରୁଣା ଭ୍ୟାନ ବଦଳରେ ଆଜି ଦୁଇ ଗୋଟି ନୂତନ ପିସିଆର ଭ୍ୟାନ ଉଭୟ ଥାନାକୁ ଦିଆଯାଇଛି । ସାଧାରଣ ଜନତାଙ୍କ ଜରୁରୀ ସେବା ଓ ଧନ ଜୀବନ ସୁରକ୍ଷା ପାଇଁ ୧୧୨ ନମ୍ବରକୁ ଡାଏଲ କରି ଏହି ଭ୍ୟାନ ଦ୍ୱାରା ଲୋକେ ମାଗଣାରେ ଜରୁରୀକାଳୀନ ସେବା ପାଇପାରିବେ ବୋଲି ଆଜି ଏସପି ଶ୍ରୀ ପଣ୍ଡା ସାମ୍ବାଦିକଙ୍କୁ ସୂଚନା ଦେଇଛନ୍ତି । ଏହି ଉଦଘାଟନ କାର୍ଯ୍ୟକ୍ରମରେ ଅତିରିକ୍ତ ଏସପି ହେମନ୍ତ ପାଢ଼ୀ, ଏସଡ଼ିପିଓ ପୁଷ୍ପାଞ୍ଜଳି ନିଙ୍ଗୀ, ଆରଆଇ ପ୍ରଦ୍ୟୁମ୍ନ ପଟେଲ ପ୍ରମୁଖ ଉଭୟ ଥାନାର ଥାନା ଅଧିକାରୀ, କର୍ମଚାରୀ ଉପସ୍ଥିତ ଥିଲେ ।
