ଫୁଲବାଣୀ:କନ୍ଧମାଳ ଜିଲ୍ଲାର ଜନପ୍ରିୟ ସାହିତ୍ୟିକ ଡ଼ଃ ନୃସିଂହାନନ୍ଦ ମହାପାତ୍ରଙ୍କୁ ସମ୍ମାନଜନକ ଉଡ୍ର ସାହିତ୍ୟ ସମ୍ମାନ ୨୦୨୨ ପ୍ରଦାନ କରାଯାଇଛି । ମହାନଗର ନିଗମ ସମାରୋହ ଅବସରରେ ଗଂଜାମ ପିତଳର ଓଡ୍ର ସାହିତ୍ୟ ସଂସଦ ତରଫରୁ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି । ଏଥିରେ ବହୁ ବିଶିଷ୍ଟ ବ୍ୟକ୍ତିମାନେ ଉପସ୍ଥିତ ରହି ଡ଼ଃ ମହାପାତ୍ରଙ୍କ ବହୁମୁଖୀ ପ୍ରତିଭାକୁ ପ୍ରଶଂସା କରିଥିଲେ । ଏଥିରେ ବ୍ରହ୍ମପୁର ମେୟର ସଂଘମିତ୍ରା ଦଳାଇ, କବି ସୁଶାନ୍ତ ମହାପାତ୍ର, କୋରାପୁଟ କେନ୍ଦ୍ରୀୟ ବିଶ୍ୱ ବିଦ୍ୟାଳୟର ବିଭାଗୀୟ ମୁଖ୍ୟ ପ୍ରଦୋଷ କୁମାର ସ୍ୱାଇଁ, ଅଧ୍ୟାପକ ସଞ୍ଜୟ କୁମାର ଷଡ଼ଙ୍ଗୀ, ସାହିତ୍ୟିକ ପ୍ରମୋଦ କୁମାର ପଣ୍ଡା, ସଂହିତା ମହାନ୍ତି, ଲକ୍ଷ୍ମୀ ନାରାୟଣ ପଟ୍ଟନାୟକ ପ୍ରଫେସର ଅରବିନ୍ଦ ପଣ୍ଡା ପ୍ରଭୃତି ଯୋଗ ଦେଇଥିଲା ବେଳେ ସମ୍ପାଦକ ଚିନ୍ମୟ ରଞ୍ଜନ ମିଶ୍ର ଓ ସଭାପତି ରଜନୀ କାନ୍ତ ପାଢ଼ୀ ସଭା ପରିଚାଳନା କରିଥିଲେ । ପରେ ପରେକବିତା ପାଠ ଓ ସାହିତ୍ୟ ଆଲୋଚନା କରାଯାଇଥିଲା । ଏହା ପୂର୍ବରୁ ଡ଼ଃ ମହାପତ୍ର ଏହି ସମାରୋହରେ ବିଭିନ୍ନ ଅନୁଷ୍ଠାନ ତରଫରୁ ବହୁ ସମ୍ମାନ ପାଇଛନ୍ତି । ଫୁଲବାଣୀର ବହୁ ସାହିତ୍ୟିକ ଓ ବୁଦ୍ଧିଜୀବୀ ତାଙ୍କର ଏ ସାରସ୍ୱତ ସାଧନା ପାଇଁ ଶୁଭେଚ୍ଛା ଜଣାଇଛନ୍ତି ।
