ନବରଙ୍ଗପୁର : ସମ୍ବାଦ ସାହିତ୍ୟ ଘର ତରଫରୁ ଆଜାଦି କା ଅମୃତ ମହୋତ୍ସବ ପାଳନ ଅବସରରେ ଆଲୋଚନାଚକ୍ର ଓ ଦେଶାତ୍ମବୋଧକ କବିତା ଆସର ଜଗଦୀଶ ତ୍ରିପାଠୀ ସଭାପତିତ୍ୱରେ ଅନୁଷ୍ଠିତ ହୋଇଯାଇଅଛି । ଏଥିରେ ସମାଜସେବୀ ଜଗନ୍ନାଥ ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଅଖିଳ ଭଟ୍ଟ ମଞ୍ଚ ପରିଚାଳନା, ଡ. ପ୍ରଦୀପ ମିଶ୍ର ମୁଖ୍ୟ ବକ୍ତା, ଅଧ୍ୟାପିକା ସଙ୍ଗୀତା ତ୍ରୀପାଠୀ, ବିଜୟ ଚୌଧୁରୀ, ବିଜୟ ମିଶ୍ର ସମ୍ମାନତ ଅତିଥି ଭାବେ ମଞ୍ଚାସିନ ଥିଲେ । କବୟିତ୍ରୀ ସୁଶୋଭିତା ତୁରୁକ୍ଙ୍କ ସଂଯୋଜନାରେ ୧୫ ଜଣ କବିତା ପାଠ କରିଥଲେ । ଟେଲି ନିର୍ଦ୍ଦେଶକ ମନୋଜ କୁମାର ପଟ୍ଟନାୟକ ଅତିଥି ପରିଚୟ ପ୍ରଦାନ କରିଥିବା ବେଳେ ଗୋପାଳ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମ ଜିଲ୍ଲା ସମ୍ବାଦ ପ୍ରତିନିଧି ପ୍ରଦୀପ ପାଢୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଯାଇଅଛି । ସମ୍ବାଦ ସାହିତ୍ୟ ଘର ସଭାପତି ଡ. ସାଇ ରମେଶ ରାଓଙ୍କ ସମେତ ଅନ୍ୟ ସମସ୍ତ ସଭ୍ୟ ଉପସ୍ଥିତ ଥିଲେ ।
