ନବରଙ୍ଗପୁର : ନବରଙ୍ଗପୁର ମାଝୀଗୁଡା ସ୍ଥିତ ଏସପି ଅଫିସ ପଛପଟେ “ଓଡିଶା ଏ ୧ ନିୟୁଜ’ ଚ୍ୟାନେଲ କାର୍ଯ୍ୟାଳୟରେ ଗତ ରବିବାର ବିଳମ୍ବିତ ରାତିରେ ଚୋରି ହୋଇଛି । ରାତିରେ ଚୋର ମାନେ”ଓଡିଶା ଏ ୧ ନିୟୁଜ’ ଚ୍ୟାନେଲ ଅଫିସର ଝରକା ଭାଙ୍ଗି ଅଫିସ ଭିତରେ ପଶି କ୍ୟାମେରା, ମୋବାଇଲ, ମାଇକ, ଟଙ୍କା ଏବଂ ବିଭିନ୍ନ ସାମଗ୍ରୀ ଚୋରିକରି ନେଇଛନ୍ତି ଚୋର । ଏହି ସମ୍ପର୍କରେ ନବରଙ୍ଗପୁର ଥାନାରେ ଏକ ଅଭିଯୋଗ କରିଛନ୍ତି ସାମ୍ବାଦିକ ବେଣୁ ଗୋପାଳ ରାଓ । ଅଭିଯୋଗ ପରେ ନବରଙ୍ଗପୁର ଥାନା ଅଧିକାରୀ ନରେଶ ପ୍ରଧାନ, ଏଏସଆଇ ଅଶୋକ ଦେଓ, ଏସଆଇଆରଏନ ପ୍ରଧାନ, ସାଇଣ୍ଟିଫିକ ଟିମ ସହ ଅନୁସନ୍ଧାନ କୁକୁର ଘଟଣା ସ୍ତଳରେ ପହଂଚି ତଦନ୍ତ କରିଥିବା ଜଣାପଡୁଛି । ରବିବାର ଦିନ ରାତିରେ ଅଫିସରେ କେହି ନଥିବାରୁ ସୁଯୋଗ ଦେଖି ଚୋରମାନେ ଏହି ଚୋରି କରିଥିବା ଜଣାପଡୁଛି । ରବିବାର ରାତ୍ରରେ ଆଉ ଦୁଇଟି ସ୍ଥାନରେ ମଧ୍ୟ୍ୟ ଚୋର ମାନେ ଚୋରି କରିଥବା ଜଣାପଡିଛି । ନବରଙ୍ଗପୁର ସହରରେ ପ୍ରତିଦିନ ଚୋରମାନଙ୍କର ପ୍ରାଦୃଭାବ ଦେଖିବାକୁ ମିଳିଛି । ଏଣୁ ବିଭିନ୍ନ ମହଲରେ ଦାବି ହେଉଛି ପାଟ୍ରୋଲିଂ ଅଧିକ କରିବା ସହ ଚୋର ମାନଙ୍କୁ ଗିରଫ କରାଯାଉ ।
