ନ୍ୟୁୟର୍କ: ଆମେରିକାରେ ଗୁଳିକାଣ୍ଡ, ୧୦ ଜଣଙ୍କର ମୃତ୍ୟୁ ୩ ଆହତ । ଆମେରିକାର ନ୍ୟୁୟର୍କର ବଫଲୋ ସୁପରମାର୍କେଟରେ ଏହି ଗୁଳିକାଣ୍ଡ ଘଟିଥିବା ଜଣାପଡିଛି । ଗୁଳିମାଡ ପରେ ଅଭିଯୁକ୍ତକୁ ଗିରଫ କରାଯାଇଥିବା ବାଫାଲୋ ପୋଲିସ ଟ୍ବିଟ କରି ସୂଚନା ଦେଇଛି । ଗୁଳିକାଣ୍ଡ ନେଇ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ସୂଚନା ଦିଆଯାଇଥିବା ହ୍ବାଇଟହାଉସ ପକ୍ଷରୁ କୁହାଯାଇଛି । ପୋଲିସର ସୂଚନା ଅନୁଯାୟୀ, ଜଣେ ଅଜଣା ବ୍ୟକ୍ତି ହଠାତ କଳା ପୋଷାକ ପିନ୍ଧି ମାର୍କେଟ ମଧ୍ୟକୁ ପ୍ରବେଶ କରିଥିଲେ ଓ ଅନ୍ଧାଧୂନ ଗୁଳି ଚାଳନା କରିଥିଲେ ।
ଫଳରେ ଘଟଣା ସ୍ଥଳରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ୩ଜଣ ଆହତ ହୋଇଥିଲେ । ମୃତକଙ୍କ ମଧ୍ୟରୁ ଜଣେ ପୋଲିସ ଅଧିକାରୀ ରହିଛନ୍ତି । ତେବେ କେଉଁ କାରଣରୁ ଅଭିଯୁକ୍ତ ଜଣଙ୍କ ଏପରି କାଣ୍ଡ ଘଟାଇଲା ସେନେଇ ଅଧିକ ତଦନ୍ତ କରୁଛି ପୋଲିସ ।
