ପାରଳାଖେମୁଣ୍ଡି : ଗଜପତି ଜିଲ୍ଲା ଅଗ୍ରଣୀ ଆକାଂକ୍ଷା ମହିଳା ସଂଗଠନ ପକ୍ଷରୁ ପାରଳାଖେମୁଣ୍ଡି ଉପକଣ୍ଠସ୍ଥ ରାଣୀ ପେଣ୍ଠାଠାରେ ବିଶ୍ୱ ପଖାଳ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପ୍ରାୟ ୨୫ରୁ ଉର୍ଦ୍ଧ୍ୱ ଗ୍ରାମବାସୀଙ୍କୁ ନିମନ୍ତ୍ରଣ କରାଯାଇ ଓଡ଼ିଆ ପଖାଳ ସହିତ ଓ ପାରମ୍ପରିକ ବ୍ୟଞ୍ଜନ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମରେ ସଂଗଠନର ସଭାନେତ୍ରୀ ଶ୍ରୀମତି ଆଶାଲତା ପାଣିଗ୍ରାହୀ, ସମ୍ପାଦିକା ଶ୍ରୀମତି ମିନା କୁମାରୀ ଟହଲ ଉପଦେଷ୍ଟା ଶ୍ରୀମତି କଲ୍ୟାଣି ମିଶ୍ର, ସ୍ୱର୍ଣ୍ଣପ୍ରଭା ପାଠୀ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଏହି ଉତ୍ସବରେ ଅତିଥି ଭାବେ ଯୋଗ ଦେଇଥିଲେ ଚାଇଲଡ଼ ଲାଇନ ଜିଲ୍ଲା ସଂଯୋଜକ ନାଗେଶ୍ୱର ଚୌଧୁରୀ, ଚିତ୍ରସେନ ଚାନ୍ଦ ଓଁକାର, ଶିଶୁ କଲ୍ୟାଣ ସମିତି ସଦସ୍ୟା ଶ୍ରୀମତି ଅଳକା ସାହୁ ଏହି କାର୍ଯ୍ୟକ୍ରମରେ ପୂର୍ଣ୍ଣମାତ୍ରାରେ ସହଯୋଗ କରିଥିଲେ । ସଂଗଠନର ଅନ୍ୟାନ୍ୟ ସଦସ୍ୟ ମାନେ ଶ୍ରୀମତି ମଞ୍ଜୁଳା ଚୌଧୁରୀ, ଶ୍ରୀମତି ଶାକଲ୍ୟା ବେବର୍ତ୍ତା, ଶ୍ରୀମତି ମମତା ପାତ୍ର ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ । ଏହି କାର୍ଯ୍ୟକ୍ରମରେ ପଖାଳ ଦିବସର ବିଶେଷତ୍ୱ ଉପରେ ଏକ ପ୍ରବନ୍ଧ ପ୍ରତିଯୋଗୀତା ଆୟୋଜିତ କରାଯାଇ ଥିଲା ।ଏଥିରେ ପ୍ରଥମ ବିଜେତା ସୋନାଲି ସମ୍ୟା ମିଶ୍ର, ଦ୍ୱିତୀୟ ବିଜେତା ଲିପ୍ ସା ରାଣି ଓଁକାର, ତୃତୀୟ ବିଜେତା ରାଜ୍ ଶେଖର ପୁରସ୍କୃତ ହୋଇଥିଲା । ଦହି ପଖାଳ ସାଙ୍ଗକୁ ବିଭିନ୍ନ ବ୍ୟଞ୍ଜନ ପରିବେଷଣ କରାଯାଇଥିଲା । ଉପସ୍ଥିତ ଥିବା ବ୍ୟକ୍ତି ବିଶେଷଙ୍କୁ ପଖାଳ କଂସା ଉପହାର ସ୍ୱରୂପ ପ୍ରଦାନ କରାଯାଇଥିଲା । ସର୍ବ ଶେଷରେ ମମତା ପାତ୍ର ଧନ୍ୟବାଦ ଅର୍ପଣ କରିଥିଲେ ।
