ହରଭଙ୍ଗା : ଜାଗା ଦର୍ଶନ କରିବାକୁ ଯାଉଥିବା ତୀର୍ଥ ଯାତ୍ରୀ କାର ଦୁର୍ଘଟଣାଗ୍ରସ୍ତ । ଅଳ୍ପକେ ବର୍ତ୍ତିଲେ ଦୁଇ ଶିଶୁ ସମେତ ୫ଜଣ ଯାତ୍ରୀ । ସୂଚନା ଅନୁଯାୟୀ ଛତିଶଗଡ ରାଜ୍ୟରୁ ପୁରୀ ଜଗନ୍ନାଥ ଧାମ ଦର୍ଶନରେ ବାହାରିଥିବା (CG 08-U-7178 ନଂ )ଏକ କାର ଯୋଗେ ଦୁଇ ଶିଶୁ ଓ ୫ଜଣ ଯାତ୍ରୀ ଯାଉଥିବା ସମୟରେ ହରଭଙ୍ଗା ବ୍ଲକ ୫୭ନଂ ଜାତୀୟ ରାଜପଥ ଆଡେଣିଗଡ଼ ଗଣେଶ ବଜାର ଛକ ନିକଟରେ ଆଜି ଭୋର ୭ଘଣ୍ଟା ସମୟରେ ଭାରସାମ୍ୟ ହରାଇ ବିଲ ଭିତରକୁ ଖସି ପଡିଥିଲା । ସ୍ଥାନୀୟ ଜନସାଧାରଣ ଆମ୍ବୁଲାନ୍ସକୁ ଜଣାଇବା ସହିତ ଆହତ ଯାତ୍ରୀଙ୍କୁ ଆଡେଣିଗଡ଼ ଡାକ୍ତରଖାନାରେ ଚିକିତ୍ସା କରାଇଥିଲେ । ଏହି ଦୁର୍ଘଟଣାରେ ଯାତ୍ରୀମାନେ ସାମାନ୍ୟ ଆହତ ହୋଇଥିବାର ଜଣାପଡିଛି । ଘଟଣାସ୍ଥଳରେ ଆଡେଣିଗଡ଼ ଫାଣ୍ଡି ପୋଲିସ ପହଂଚି ଘଟଣାର ତଦନ୍ତ ଚାଲୁରଖିଛି ।
