ଦଶପଲ୍ଲା : ଓଡ଼ଗାଁ ବନାଞ୍ଚଳ ଅଧିନ ବାହାଡ଼ାଝୋଲା ବନବିଭାଗ କର୍ମଚାରୀ ମାନେ ଗତକାଲି ଅପରାହ୍ନରେ ପେଟ୍ରୋଲିଙ୍ଗ କରୁଥିଲାବେଳେ, କେତେକ ଅଭ୍ୟାସଗତ ଶୀକାରୀ ଏକ ବାରହାକୁ ଗୁଳିକରି ହତ୍ୟା କରିବାପରେ ବାଇକ୍ ଯୋଗେ ନେବା ପାଇଁ ଚେଷ୍ଟା କରୁଥିଲେ । ଏହି ସମୟରେ ବନକର୍ମଚାରୀ ସେଠାରେ ପହଞ୍ଚିଯାଇଥିଲେ । ତେବେ ବନବିଭାଗ ଗାଡ଼ି ଓ କର୍ମଚାରୀଙ୍କୁ ଦେଖି ଶିକାରୀ ମାନେ ମୃତ ବାରହା ଓ ଗାଡିକୁ ଛାଡି ଫେରାର ହୋଇଯାଇଥିଲେ । ବନ କର୍ମଚାରୀମାନେ ଘଟଣା ସ୍ଥଳରୁ ମୃତ ବାରହା ସହିତ ବ୍ୟବହୃତ ୨ଟି ଗାଡିକୁ ଜବତ କରିଥିଲେ । ବନପାଳଙ୍କ କାର୍ଯ୍ୟାଳୟକୁ ଆଣିଥିଲେ । ବାରହାର ମୃତ୍ୟୁ ଗୁଳି ଯୋଗୁଁ ହୋଇଥିବା ବନପାଳ ସନାତନ ସ୍ୱାଇଁ ସୂଚନା ଦେଇଛନ୍ତି ।
