ପୁରୀ : ଦାଦାବଟି ମାଗିବା ସହ ଛୁରୀ ଦେଖାଇ ଭୟଭୀତ କରିବା ଅଭିଯୋଗରେ ସମୁଦ୍ର କୂଳ ଥାନା ପୋଲିସ ଦୁଇ ଜଣଙ୍କୁ ଗିରଫ କରୁଛି । ଅଭିଯୁକ୍ତ ଦ୍ୱୟ ହେଲେ ଆର ରାମ ଚନ୍ଦ୍ର ବେହେରା ଓ ଆଙ୍କା ନରସିଂହ ରାଓ । ଅଭିଯୁକ୍ତ ମଙ୍ଗଳବାର ପୂର୍ବାହ୍ନରେ ସ୍ୱର୍ଗଦ୍ୱାର ଆର ଏଲ ହୋଟେଲ ନିକଟରେ ଛୁରୀ ଦେଖାଇ ଲୋକଙ୍କୁ ବଟି ମାଗୁଥିଲେ । ଉଭୟଙ୍କ ନିକଟରୁ ପୋଲିସ ଗୋଟିଏ ଛୁରୀ ଜବତ କରିବା ସହ ୩୦୦ଟଙ୍କା ଜବତ କରିଛି । ଅଭିଯୋଗକୁ ଭିତ୍ତି କରି ସମୁଦ୍ରକୂଳ ଥାନା ପୋଲିସ ଭାରତୀୟ ଦଣ୍ଡ ବିଧି ଆଇନର ୩୪୧,୨୯୪,୩୮୬,୩୮୭, ୫୦୬ଏବଂ ୩୪ ଦଫାରେ ମୋକଦ୍ଦମା ରୁଜୁ କରି ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।
