ବୌଦ୍ଧ: ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦ(ଏନ୍ଏସି) ପକ୍ଷରୁ ଏକ ଦୁଇ ଦିନିଆ ଦକ୍ଷତା ବିକାଶ ତାଲିମ ଶିବିର ଭିକାରୀ କଳା ମଣ୍ଡପରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ମନୋରଞ୍ଜନ ପଣ୍ଡା, କ୍ଲଷ୍ଟର ସଂଯୋଜକ ନରେନ୍ଦ୍ର ସ୍ୱାଇଁ (ଭୁବେନଶ୍ୱର), ସାନିଟାରୀ ଏକ୍ସପର୍ଟ ସୁନିଲ କୁମାର ପ୍ରଧାନ, ଡିୟୁଡିଏ ଅଧିକାରୀ ପ୍ରମୁଖ ଯୋଗଦେଇଥିଲେ । ପ୍ରଶିକ୍ଷକ ଭାବେ ମାନସ ରଞ୍ଜନ ଧଳ ଓ ସଂଯୁକ୍ତା ପଟ୍ଟନାୟକ ତାଲିମ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ହେଉଛି ମିଶନ ଶକ୍ତି ସ୍ୱୟଂ ସହାୟକ ଗୋଷ୍ଠୀର ଜ୍ଞାନ ଦକ୍ଷତା ଓ କୌଶଳ ବୃଦ୍ଧି କରିବା ସହିତ ସମ୍ପଦ କେନ୍ଦ୍ର ମାଧ୍ୟମରେ କଠିନ ବର୍ଜ୍ୟବସ୍ତୁର ପ୍ରଭାବୀ ଏବଂ ଦକ୍ଷ ପରିଚାଳନା ବ୍ୟବସ୍ଥାକୁ ମଜବୁତ୍ କରିବା ।
