ଚଣ୍ଡିଖୋଲ : ବଡ଼ଚଣା ବ୍ଲକ ଅନ୍ତର୍ଗତ ବୈରୀ ଥାନା ଅଧିନ ଡାଳିଯୋଡ଼ା ବନାଞ୍ଚଳ ଅମିୟଝରି ଗ୍ରାମରେ ବିଳମ୍ବିତ ରାତିରେ ଏକ ବଣୁଆ ହାତୀ ଜଙ୍ଗଲରୁ ଆସି ଗ୍ରାମରେ ପଶି ଧାନ ଖାଇବା ସହ ଜଣଙ୍କ ଚାଲଘର ଭାଙ୍ଗିଛି । ଘର ଭାଙ୍ଗିବା ଯୋଗୁ କାନ୍ଥ ପଡ଼ି ଭରତ ବେହୁରାଙ୍କ ପୁଅ କାର୍ତ୍ତିକ ବେହୁରା (୧୨) ଗୁରୁତର ଆହତ ହୋଇଛି ଓ ଅବସ୍ଥା ଗୁରୁତର ହେବାରୁ ବଡ଼ଚଣା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରୁ କଟକ ବଡ ମେଡିକାଲକୁ ସ୍ଥାନନ୍ତରିତ କରିଥିଲେ ଡାକ୍ତର । ଡାଳିଯୋଡ଼ା ବନବିଭାଗ ପକ୍ଷରୁ କାର୍ତ୍ତିକର ଚିକିତ୍ସା ପାଇଁ ଯାହା ଆବଶ୍ୟକ ଖର୍ଚ୍ଚ ଦାୟିତ୍ୱ ନେଇଛନ୍ତି । ସୂଚନା ଅନୁସାରେ ସ୍ଥାନୀୟ କାଳିଅମ୍ବା ସଂରକ୍ଷିତ ଜଙ୍ଗଲରୁ ହାତୀପଲ ଗାଁ ଭିତରକୁ ରବିବାର ବିଳମ୍ବିତ ରାତିରେ ପଶି ଆସିଥିଲେ ଓ ବନବିଭାଗ ପକ୍ଷରୁ ହାତୀ ପଲକୁ ଘୋଡାଇବାକୁ ଚେଷ୍ଟା କରାଯାଇଥିଲା କିନ୍ତୁ ଗୋଟିଏ ହାତୀ ପୁନର୍ବାର ଗ୍ରାମ ଭିତରକୁ ବିଳମ୍ବିତ ରାତିରେ ପଶି ଯାଇଥିଲା ଓ ଏହାକୁ ନେଇ ସ୍ଥାନୀୟ ଆଖପାଖ ଅଞ୍ଚଳରେ ବସବାସ କରୁଥିବା ଲୋକେ ମାନେ ଭୟଭୀତ ଅବସ୍ଥାରେ ରହିଛନ୍ତି । ତୁରନ୍ତ ବନବିଭାଗ ପକ୍ଷରୁ କଡାକଡି ସୁରକ୍ଷା ସହ ୨୪ ଘଣ୍ଟିଆ ପାଟ୍ରୋଲିଂ କରିବାକୁ ସାଧାରଣରେ ଦାବି ହୋଇଛି ।
