ପରାଳଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକର କେରାଣ୍ଡି ପଞ୍ଚାୟତରେ ନାଏବ ସରପଞ୍ଚ ସକାଶେ ନିର୍ବାଚନ ଅନୁଷ୍ଠିତ ହୋଇଯାଇଛି । ନିର୍ବାଚନ କମିଶନଙ୍କ ଦ୍ୱାରା ନିୟୋଜିତ ପ୍ରସିଡିଙ୍ଗ ଅଫିସର ଭାବେ ଚେଲି ତ୍ରିପତି ରାଓ ମନୋନୀତ ହୋଇଥିଲେ । ଆଜି ସମସ୍ତ ନିର୍ବାଚିତ ୱାର୍ଡ ସଭ୍ୟ ଓ ସରପଞ୍ଚଙ୍କ ଉପସ୍ଥିତିରେ ସକାଳ ୧୦ ଘଣ୍ଟା ଠାରୁ ୧୧ ଘଣ୍ଟା (ଏକ ଘଣ୍ଟା ) ଭିତରେ ପାର୍ଥି ପତ୍ର ଦାଖଲ କରିବାର ସମୟ ଥିଲା । ଏହି ସମୟରେ ନାଏବ ସରପଞ୍ଚ ଭାବେ ଆମିଟି ମହା ଲକ୍ଷ୍ମୀ ପାର୍ଥି ପତ୍ର ଦାଖଲ କରିଥିଲେ । ପରେ ପାର୍ଥିପତ୍ର ଯାଞ୍ଚ କରାଯାଇଥିଲା । ଯାଞ୍ଚ ପରେ ପାର୍ଥିଙ୍କ ସବୁ ଡକ୍ୟୁମେଣ୍ଟ ଠିକ ଥିବାର ପ୍ରସିଡିଙ୍ଗ ଅଫିସର ଉପସ୍ଥିତ ଥିବା ସଭ୍ୟଙ୍କୁ ଜଣାଇଥିଲେ । ଦିନ ୧୨ଟା ମଧ୍ୟରେ ପାର୍ଥି ପତ୍ର ପ୍ରତ୍ୟାହାର ନ ହୋଇ ଥିବା ଓ କୌଣସି ପ୍ରତିଦ୍ୱନ୍ଦି ନ ଥିବାରୁ ଆମିଟି ମହାଲକ୍ଷ୍ମୀ ନାଏ ବ ସରପଞ୍ଚ ଭାବେ ନିର୍ବାଚିତ ହୋଇ ଥିବାର ଜଣାପଡିଛି । ଶାନ୍ତି ଶୃଙ୍ଖଳା ସକାଶେ ପୋଲିସ ମୁତୟନ ହୋଇ ଥିବାର ଦେଖିବାକୁ ମିଳିଛି । ନବ ନିର୍ବାଚିତ ନାଏବ ସରପଞ୍ଚଙ୍କୁ ସରପଞ୍ଚ ଓ ୱାର୍ଡସଭ୍ୟ ମାନେ ପୁଷ୍ପ ଗୁଚ୍ଛ ଦେଇ ସ୍ୱାଗତ କରିଛନ୍ତି ।
