ଜହ୍ନାପଙ୍କ,୧୧/୮:ବୌଦ୍ଧ ବ୍ଳକ ଅନ୍ତର୍ଗତ ଜହ୍ନାପଙ୍କ ସରସ୍ୱତୀ ଶିଶୁ ମନ୍ଦିରରେ ଆଜି ରକ୍ଷା ବନ୍ଧନ ମହାସମାରୋହରେ ପାଳିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ଶିକ୍ଷକ ଶମ୍ଭୁ ଗିରି ଉପସ୍ଥିତ ଶିଶୁମାନଙ୍କୁ ରକ୍ଷା ବନ୍ଧନର ଉଦ୍ଦେଶ୍ୟ ସମ୍ପର୍କରେ ଅବଗତ କରାଇଥିଲେ । ପ୍ରଧାନଆଚାର୍ଯ୍ୟ ସୁଶାନ୍ତ ମେହେର ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଗୁରୁଜୀ ସନତ ସେଠୀ ଧନ୍ୟବାଦ ଦେଇଥିଲେ । ଏହା ପରେ ସମସ୍ତ ଶିଶୁ ଭାଇ ଭଉଣୀ ମାନଙ୍କୁ ରାକ୍ଷୀ ବାନ୍ଧି ଭାଇର ଦୀର୍ଘ କାମନା ସହିତ ହାତ ବଜ୍ର ପରି ହୋଇ ଭଉଣୀର ରକ୍ଷା କରିବାକୁ ଈଶ୍ୱରଙ୍କ ଠାରେ ପ୍ରାର୍ଥନା କରିଥିଲେ । ଏହା ପରେ ଶିଶୁ ଭାଇ ଓ ଭଉଣୀମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା । କାର୍ଯ୍ୟକ୍ରମରେ ସମସ୍ତ ଗୁରୁଜୀ ଓ ଗୁରୁମା ସହଯୋଗ କରିଥିଲେ ।
