ନବରଙ୍ଗପୁର : ନବରଙ୍ଗପୁର କ୍ରୀଡ଼ା ସଙ୍ଘର ସାଧାରଣ ସମ୍ପାଦକ ପ୍ରହଲ୍ଲାଦ ତ୍ରିପାଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ଏବଂ ଉପସଭାପତି ଏମ. ବାଳକୃଷ୍ଣ ରାଓଙ୍କ ସହଯୋଗରେ ଏକ ପଚିଶ ଜଣିଆ ଆଥ୍ଲେଟିକ ଦଳ ଭୁବନେଶ୍ୱର ଗସ୍ତ କରିଛନ୍ତି । ସୂଚନା ଯୋଗ୍ୟ ଯେ ଆସନ୍ତା ୮ତାରିଖରୁ ୧୧ତାରିଖ ପର୍ଯ୍ୟନ୍ତ ଭୁବନେଶ୍ୱର ସ୍ଥିତ କିଟ ଆଥ୍ଲେଟିକ ଷ୍ଟାଡିୟମରେ ୬୮ତମ ରାଜ୍ୟ ଆଥଲେଟିକ ମିଟ ଅନୁଷ୍ଠିତ ହେଉଛି । ଗସ୍ତ କରିଥିବା ଦଳର ମ୍ୟାନେଜର ଭାବରେ ଦୁର୍ଯ୍ୟ ହରିଜନ ଏବଂ କୋଚ ଭାବରେ ଶେଷ ସାନ୍ତାଙ୍କୁ ଦାୟିତ୍ୱ ଦିଆଯାଇଛି ବୋଲି ସଂଘର ସହସମ୍ପାଦକ ମନୋଜ କୁମାର ପଟ୍ଟନାୟକ ସୂଚନା ଦେଇଛନ୍ତି । ଭୁବନେଶ୍ୱର ଗସ୍ତ ପୂର୍ବରୁ ଜିଲ୍ଲା କ୍ରୀଡା ସଙ୍ଘର ଆଥଲେଟିକ ସମ୍ପାଦକ ଜ୍ୟୋତି ପରିଛା ଏବଂ ଶଶାଙ୍କ ଶେଖର ବେହେରାଙ୍କ ସମେତ ନବରଙ୍ଗପୁର ଜିଲ୍ଲା ଦଳ ମା ଭଣ୍ଡାର ଘରଣୀଙ୍କ ଆର୍ଶୀବାଦ ନିମନ୍ତେ ମନ୍ଦିର ଯାଇ ସଫଳତା ଭିକ୍ଷା କରିଥିଲେ । ଦଳକୁ ଜିଲ୍ଲାପାଳ ତଥା କ୍ରୀଡ଼ା ସଙ୍ଘର ସଭାପତି କୋମଳଲୋଚନ ମିଶ୍ର, ଜିଲ୍ଲାର ପ୍ରାକ୍ତନ ଖେଳାଳି ମାନେ ଶୁଭକାମନା ଜଣାଇଛନ୍ତି ।
