ପୁରୀ : ଦୀର୍ଘ ଦୁଇବର୍ଷ ପରେ ବିଶ୍ୱପ୍ରସିଦ୍ଧ ଘୋଷଯାତ୍ରା ପାଇଁ ଆଜି ଅନୁଷ୍ଠିତ ହେଉଛି ରଥ ପ୍ରସ୍ତୁତି ବୈଠକ । ପୁରୀ ସର୍କିଟ ହାଉସ୍ରେ ଆରମ୍ଭ ହୋଇଛି ବୈଠକ । ପୁରୀ ଜିଲ୍ଲାପାଳ ତଥା ଶ୍ରୀମନ୍ଦିର ଉପମୁଖ୍ୟ ପ୍ରଶାସକ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପୁରୀ ଏସପି, ଶ୍ରୀମନ୍ଦିର ପ୍ରଶାସନିକ ଅଧିକାରୀ, ବିଭିନ୍ନ ବିଭାଗର ଅଧିକାରୀ, ଶ୍ରୀମନ୍ଦିର ସେବାୟତ ସାମିଲ୍ ହୋଇଛନ୍ତି । ତେବେ ବୈଠକରେ ବିଶେଷ କରି ରଥକାଠ ଯୋଗାଣ ଠାରୁ ଆରମ୍ଭ କରି ରାସ୍ତାଘାଟ, ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା, ଡ୍ରେନେଜ, ସ୍ୱରେଜ୍ ବ୍ୟବସ୍ଥା, ପାନୀୟଜଳ, ବିଦ୍ୟୁତ ଯୋଗାଣ, ଟ୍ରାଫିକ,ପାର୍କିଂ ଇତ୍ୟାଦି ବିଷୟରେ ଆଲୋଚନା କରାଯିବ । ଏହାସହ ସେବାୟତ ମାନଙ୍କ ସହ ଜିଲ୍ଲା ପ୍ରଶାସନ ଓ ଶ୍ରୀମନ୍ଦିର ପ୍ରଶାସନ ସମନ୍ୱୟ ରକ୍ଷା କରି କିଭଳି ରଥଯାତ୍ରାର ଶୃଙ୍ଖଳିତ ଆୟୋଜନ ହେବ ସେନେଇ ବୈଠକରେ ଆଲୋଚନା ହେଉଛି ।
