ଦଶପଲ୍ଲା : ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳର ଡାକ୍ତର ଚିନ୍ମୟ ସାହୁ ଭାରତୀୟ ଚିକିତ୍ସକ ସଂଘ ରାଜ୍ୟ ସଭାପତି ଭାବେ ମନୋନୀତ ହୋଇଛନ୍ତି । ଡାକ୍ତର ଚିନ୍ମୟ ସାହୁ ବିହାର, ଦିଲ୍ଲୀ, କଲିକତାରୁ ବହୁ ପ୍ରଶଂସା ପାଇବା ସହ ମହାମହିମ ରାଜ୍ୟପାଳଙ୍କଠାରୁ ମଧ୍ୟ ପ୍ରଶଂସା ପତ୍ର ପାଇ ଦଶପଲ୍ଲାର ନାମକୁ ସାରା ଭାରତ ବର୍ଷରେ ପରିଚିତ କରାଇଛନ୍ତି । ମହାମାରୀ କରୋନା ସମୟରେ ରାଉରକେଲାରେ ନୋଡାଲ ଅଫିସର ଭାବେ ଦାୟିତ୍ୱ ଗ୍ରହଣ କରି ବହୁ ମୂଲ୍ୟବାନ ଜୀବନ ବଞ୍ଚାଇ ପ୍ରଶଂସାର ପାତ୍ର ହୋଇ ପାରିଥିଲେ । ସଭାପତି ହେବା ପରେ ଡାକ୍ତର ଶ୍ରୀଯୁକ୍ତ ସାହୁଙ୍କ ପାଖକୁ ଦଶପଲ୍ଲା ଅଞ୍ଚଳରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
