ପାରଳାଖେମୁଣ୍ଡି : ପଞ୍ଜାବରେ ଆମ୍ ଆଦମୀ ପାର୍ଟିର ଐତିହାସିକ ବିଜୟ ଓ ଗୋଆରେ ଆପ୍ର ୨ ଜଣ ବିଧାୟକଙ୍କ ବିଜୟ ଅବସରରେ ଆପ୍ ଗଜପତି ତରଫରୁ ଜିଲ୍ଲା ଆବାହକ ଶିଶିର କୁମାର ଭଞ୍ଜ ସାମନ୍ତଙ୍କ ନେତୃତ୍ୱରେ ପାରଳାଖେମୁଣ୍ଡି ସ୍ଥିତ ଶ୍ରୀ କରଣ ସାହିରେ ଥିବା ଜିଲ୍ଲା କାର୍ଯ୍ୟାଳୟଠାରେ ଏକ ବୈଠକ ଅନୁଷ୍ଠିତ ହୋଇଥିଲା ଏବଂ କେକ୍ କାଟି ପରସ୍ପରକୁ ମିଠା ଖୁଆଇ ବିଜୟ ଉତ୍ସବ ପାଳନ କରାଯାଇଥିଲା । ଏହା ପରେ ଦଳର ସଦସ୍ୟ ମାନେ ଜିଲ୍ଲା କାର୍ଯ୍ୟାଳୟରୁ ବଡ଼ ଦାଣ୍ଡରେ ଥିବା ପାରଳା ମହାରାଜାଙ୍କ ପାଲେସ ପର୍ଯ୍ୟନ୍ତ ଏକ ପଦଯାତ୍ରା କରାଯାଇଥିଲା । ଏହି ପରିପ୍ରେଷୀରେ ବିଭିନ୍ନ ସ୍ଲୋଗାନ ଦେବା ସହ ଏହି ବ୍ୟବସ୍ଥା ପରିବର୍ତ୍ତନ ଆନ୍ଦୋଳନରେ ସାମିଲ ହୋଇ ଶିକ୍ଷା, ସ୍ୱାସ୍ଥ୍ୟ, ପାଣି, ବିଜୁଳି, ରୋଜଗାର,ଓ ମହିଳା ସଶକ୍ତିକରଣର ରାଜନୀତିକୁ ସଫଳ କରିବା ପାଇଁ ଆହ୍ୱାନ ଦିଆଯାଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା ସଭାନେତ୍ରୀ ଶୈଳବାଳା ପଣ୍ଡା, କିଶୋର ଚନ୍ଦ୍ର ଗୁରୁ, ଲୋଗସ୍ ଦାସ୍ ବର୍ଦ୍ଧନ, ତ୍ରିନାଥ ପଟ୍ଟନାୟକ, କାଳିଚରଣ ପଟ୍ଟନାୟକ,ପାଇଲା ମୁରଲି କ୍ରିଷ୍ଣା,ଜି.ଚନ୍ଦ୍ର ରାଓ, ଭରତ ସାହୁ,ଲୋକନାଥ ଭୁକ୍ତା, ମୟାବ ଶବର, ଦୁର୍ଗା ପ୍ରସାଦ ପଟ୍ଟନାୟକ, ଚନ୍ଦ୍ରମୋହନ ଯାଦବ, ଦୁର୍ଗା ବିଶ୍ୱାଳ, ବି.ରାମା ରାଓ, ମୋହନ ଜେନା ପ୍ରମୁଖ ଯୋଗ ଦେଇଥିଲେ ।
