ସମ୍ବଲପୁର: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଅବସରରେ ଭାରତୀୟ ଜନତା ପାର୍ଟିର ସମ୍ବଲପୁର ଜିଲ୍ଲା କେନ୍ଦ୍ର ପକ୍ଷରୁ ଏକ ରକ୍ତଦାନ ଶିବିର ଆୟୋଜିତ ହୋଇଥିଲା । ଏଥିରେ ମୁଖ୍ୟତଃ ପାର୍ଟିର କର୍ମକର୍ତ୍ତା ଓ ସଭ୍ୟସଭ୍ୟାମାନେ ରକ୍ତଦାନ କରିଥିଲେ । ସମ୍ବଲପୁର ଜିଲ୍ଲା ସଦର ଡାକ୍ତରଖାନା ପରିସରରେ କାର୍ଯ୍ୟରତ ରେଡକ୍ରସ ରକ୍ତଭଣ୍ଡାରର ଅଧିକାରୀ ଓ ବୈଷୟିକ କର୍ମଚାରୀ ଆସି ଏଥିରେ ରକ୍ତ ସଂଗ୍ରହ କରିଥିଲେ । ଏହି ଅବସରରେ ମୁଖ୍ୟ ଅତିଥିଭାବେ ପାର୍ଟିର ଜିଲ୍ଲା ସଭାପତି ଗିରିଶ ପଟେଲ, ସମ୍ମାନିତ ଅତିଥି ଭାବେ ସ୍ଥାନୀୟ ରେଙ୍ଗାଲି ବିଧାୟକ ନାଉରୀ ନାଏକ ଓ ସ୍ଥାନୀୟ ବୁର୍ଲା ଶାଖାର ପୂର୍ବତନ ସଭାପତି ବିଷ୍ଣୁ ଦକ୍ଷିଣ ସାମିଲ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଏହି ଶିବିର ପରିଚାଳନାରେ ଉତ୍ସର୍ଗ ପକ୍ଷରୁ ସୁଧୀର ପୂଜାରୀ, ସମ୍ବଳ ପକ୍ଷରୁ ରାମଦାସ ପଣ୍ଡା ଓ ସୁବ୍ରତ ପଣ୍ଡାଙ୍କ ସହିତ କାର୍ତ୍ତିକ ବାଗ ଓ ଅନ୍ନପୂର୍ଣ୍ଣା ବାରିକ ସହଯୋଗ କରିଥିଲେ । ଏହାର ସଂଯୋଜନା କରିଥିଲେ ରକ୍ତଦାତା ସଂଯୋଜଗ ଜିଲ୍ଲା ଯୁବା ମୋର୍ଚ୍ଚା ଅନୀଲ ସାହା, ଅଶ୍ୱିନୀ ମାଝୀ, ଶିବ ଦିୱାନ, ତପନ ମାଝୀ, ଉତ୍ତମ ବିଶ୍ୱାଳ ଓ ରାମ ଚନ୍ଦ୍ର ମେହେର । ଏହି ଶିବିରରେ ୭୨ୟୁନିଟ ରକ୍ତ ସଂଗ୍ରହ ହୋଇଥିଲା ।
