ପୁରୀ : ପୁରୀ ଲୋକନାଥ ମନ୍ଦିର ର ସେବାୟତ ଶିବରାମ ପାତ୍ରକୁ ଗୁଳି କରି ହତ୍ୟା ଘଟଣାରେ ପୋଲିସ ୩ ଜଣ ଅଭିଯୁକ୍ତକୁ ଅଟକ ରଖିଛି । ଏତଲାରେ ଉଲେଖ ଥିବା ବ୍ୟକ୍ତି ଙ୍କୁ ପୋଲିସ ଅଟକ ରଖି ପଚରା ଉଚରା କରୁଛି । ମୁଖ୍ୟ ଅଭିଯୁକ୍ତ ଚନ୍ଦନ ବାରିକକୁ ପୋଲିସ ଅଟକ ରଖି ହତ୍ୟାକାଣ୍ଡର କାରଣ ନେଇ ପଚରା ଉଚରା କରୁଛି । ପ୍ରେମ ବ୍ୟାପରକୁ ନେଇ ହତ୍ୟାକାଣ୍ଡ ଘଟିଥିବା ଚର୍ଚ୍ଚା ହେଉଥିବା ବେଳେ ପାରିବାରିକ ବିବାଦକୁ ଏହି ହତ୍ୟାକାଣ୍ଡ ଘଟିଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଥିବା ପୁରୀ ଏସପି କହିଛନ୍ତି । ସେପଟେ ଧାର୍ମିକ ନଗରୀ ସହରରେ ପୁରୀ ଗୁଳିକାଣ୍ଡ ଘଟଣା ବଢି ଚାଲିଥିବା ବେଳେ ଚୋରା ବନ୍ଧୁକ କାରବାର ବଢିବାରେ ଲାଗିଛି । ଅପରାଧୀ ମାନେ ଖୁଲମ ଖୁଲା ବନ୍ଧୁକ ବ୍ୟବହାର କରି ଅପରାଧ ଭିଆଉଛନ୍ତି । ତେବେ ପୁରୀ ସହରରେ ଚୋରା ବନ୍ଧୁକ କାରବାର ରୋକିବା ପାଇଁ ପୁରୀ ପୋଲିସ ପକ୍ଷରୁ ୫ ଟିମ ଗଠନ କରାଯାଇଛି । ବନ୍ଧୁକ କୋଉଠୁ ଆସୁଛି଼ି ଓ କିଏ ବିକୁଛି ତାକୁ ଧରିବା ପାଇଁ ପୋଲିସ କାର୍ଯ୍ୟ ଆରମ୍ଭ କରିଛି । ଖୁବ ଶୀଘ୍ର ବନ୍ଧୁକ ରାକେଟର ପର୍ଦ୍ଦାଫାସ ହେବ । ବନ୍ଧୁକ ବ୍ୟବସାୟୀ ଆମେ ଧରିବାରେ ସଫଳ ହେବୁ ବୋଲି ପୁରୀ ଏସପି କହିଛନ୍ତି ।
