ପାରଳାଖେମୁଣ୍ଡି : ସ୍ଥାନୀୟ ଉତ୍କଳ ହିତୈଷିଣୀ ସମାଜ ସଭା ଗୃହରେ ସାହିତ୍ୟ ଏକାଡେମୀ ସଦସ୍ୟ ବିଚିତ୍ରାନନ୍ଦ ବେବର୍ତ୍ତାଙ୍କ ଅଧ୍ୟକ୍ଷତାରେ ପଦ୍ମଶ୍ରୀ ଡ.ସତ୍ୟନାରାୟଣ ରାଜଗୁରୁଙ୍କ ୧୨୦ତମ ଜୟନ୍ତୀତ୍ସୋବ ଆଡମ୍ୱର ସହକାରେ ପାଳିତ ହୋଇସାରିଛି । ମୁଖ୍ୟ ଅତିଥି ସଂଗ୍ରାମଶେଖର ପଣ୍ଡା ଅତିରିକ୍ତ ଜିଲ୍ଲାପାଳ,ଗଜପତ, ମୁଖ୍ୟବକ୍ତା, ପୂର୍ଣ୍ଣଚନ୍ଦ୍ର ମହାପାତ୍ର,ସମ୍ମାନୀତ ବକ୍ତା, ଉପାନ୍ତ ପ୍ରହରୀ ପୂର୍ଣ୍ଣଚନ୍ଦ୍ର ମହାପାତ୍ର, ମୁଖ୍ୟବକ୍ତା ଡ.କଲ୍ୟାଣୀ ମିଶ୍ର, ସଂସ୍କୃତି ଅଧିକାରୀ ଅର୍ଚ୍ଚନା ମଙ୍ଗରାଜ, ମଞ୍ଚାସୀନ ରହି ଐତିହାସିକ ଡଃ.ରାଜଗୁରୁଙ୍କ ବହୁମୁଖୀ ପ୍ରତିଭା ସମ୍ପର୍କରେ ଆଲୋଚନା କରିଥିଲେ । ଏ ମାଟି ପାଇଁ ଆଉ ଏକ ସତ୍ୟନାରାୟଣ ରାଜଗୁରୁଙ୍କ ଆବଶ୍ୟକତା ଜରୁରୀ ରହୁଚି ବୋଲି ବକ୍ତାମାନେ କହିଥିଲେ । ଡ. ପ୍ରଦୀପ ମିଶ୍ର(ଉମରକୋଟ)ଙ୍କୁ ସମ୍ବର୍ଦ୍ଧନା ଏବଂ ବିଭିନ୍ନ ପ୍ରତିଯୋଗିତାର ବିଜୟୀ ଛାତ୍ର ଛାତ୍ରୀଙ୍କୁ ପ୍ରମାଣପତ୍ର ପୁରସ୍କାର ପ୍ରଦାନ କରାଯାଇଥିଲା । ପ୍ରାରମ୍ଭିକ ସଙ୍ଗୀତ ଭକ୍ତି ସଙ୍ଗୀତ ସଂସଦର ଶିଳ୍ପୀମାନେ ଗାନ କରିଥିଲେ । ଶେଷରେ ତ୍ରିପତି ପ୍ରସାଦ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।
