ଘୁ ଉଦୟଗିରି :ଲଗାଣ ବର୍ଷା ଯୋଗୁଁ ଗତକାଲି ରାତିରେ କ.ନୂଆଗାଁ ବ୍ଲକ ଅନ୍ତର୍ଗତ ସାରଙ୍ଗଡ଼ ମାଉସୀ ମଣ୍ଡପ ସାହି ଶ୍ରୀହରି ବିଷୋୟୀଙ୍କ ଘରଟି ସମ୍ପୂର୍ଣ୍ଣ ରୂପେ ଭାଙ୍ଗି ନଷ୍ଟ ହୋଇ ଯାଇଛି । ଘରେ ଶୋଇଥିବା ଅବସ୍ଥାରେ ମଧ୍ୟରାତ୍ରରେ ଘରଟି ଭୁଶୁଡି ପଡିଲା । କିନ୍ତୁ ପରିବାରଟି ଏକ ଆସନ୍ନ ବିପଦରୁ ମୁକ୍ତି ପାଇଯାଇଛନ୍ତି । ଘରର ସମସ୍ତ ଜିନିଷପତ୍ର ନଷ୍ଟ ହୋଇଥିବାବେଳେ ପରିବାର ବର୍ତ୍ତିଯାଇଛନ୍ତି । ଘରଟି ସମ୍ପୂର୍ଣ୍ଣ ଭାଙ୍ଗି ଯାଇଥିବାରୁ ଗତ ମଧ୍ୟରାତ୍ରରୁ ଅନ୍ୟ ଘରେ ଆଶ୍ରୟ ନେଇଛନ୍ତି । ଏ ବିଷୟରେ ସାରଙ୍ଗଡ ରାଜସ୍ୱ ଅଧିକାରୀଙ୍କୁ ଅବଗତ କରାଯାଇଛି । ଶ୍ରୀହରି ବିଶୋଇ ଜଣେ ଗରିବ ଓ ଖଟିଖିଆ ଶ୍ରେଣୀର । ମୂଲ ଲାଗିଲେ ଘର ଚଳେ, ଲଗାଣ ବର୍ଷଯୋଗୁ କାମାଧନ୍ଦା କିଛି ନାହିଁ । କାମ ନକଲେ ଚୁଲି ଜଲେନାହିଁ । ଘରେ ଛଅ ପ୍ରାଣୀ କୁଟୁମ୍ବ । ଘରେ ଶ୍ରୀହରି ବିଷୋୟୀ ଜଣେ ମାତ୍ର ରୋଜଗାରିଆ । ତେଣୁ ଅତିଶୀଘ୍ର ପ୍ରଶାସନ ତରଫରୁ କିଛି ସାହାଯ୍ୟ ମିଳିଲେ ସେ ଏ ବିପଦରୁ ଉଦ୍ଧାର ପାଇପାରନ୍ତେ ।
