ପାଟଣାଗଡ଼ :ବଲାଙ୍ଗୀର ଜିଲ୍ଲା ପାଟଣାଗଡ ଉପଖଣ୍ଡ ଖପ୍ରାଖୋଲ ବ୍ଲକର ନବ ନିର୍ମିତ ସଂଗଠନ ଆଞ୍ଚଳିକ ଯୁବ ସଂଘ ଖପ୍ରାଖୋଲ ଗୋଷ୍ଠୀ ଉନ୍ନୟନ ଅଧିକାରୀ ରଶ୍ମି ରଞ୍ଜନ ରାଉତ ଓ ଆଇଆଇସି ରମାକାନ୍ତ ସାହୁଙ୍କୁ ସାକ୍ଷାତ କରି ଫୁଲତୋଡ଼ା ଦେଇ ସ୍ୱାଗତ ସମ୍ବର୍ଦ୍ଧନା ଜଣେଇଛନ୍ତି । ଆଞ୍ଚଳିକ ଯୁବ ସଂଘ ଖପ୍ରାଖୋଲ ଅଞ୍ଚଳର ବିକାଶ ଏବଂ ଅସହାୟ ଲୋକଙ୍କୁ ସେବା ଯୋଗେଇଦେବା ପାଇଁ ଆଗେଇ ଆସିଛନ୍ତିା ଆଜି ଖପ୍ରାଖୋଲ ବିଡ଼ିଓଙ୍କୁ ଭେଟି ଅଂଚଳର ଗରୀବ ଅସହାୟ ଲୋକଙ୍କୁ ସରକାରୀ ଯୋଜନାରେ ସାମିଲ କରିବା ପାଇଁ ଆଲୋଚନା କରିଥିଲେ । ଏହି ପରିପେକ୍ଷୀରେ ସଂଘର ଥବିର ମେହେର, ବେଦବର ଛତ୍ରିଆ, ଅଶୋକ ରଣା, ଶଶୀ ପାତ୍ର, ରଘୁ ସମେତ ସମସ୍ତ ସଦସ୍ୟ ମାନେ ଉପସ୍ଥିତ ହୋଇଥିଲେ । ଆଗକୁ ଅଞ୍ଚଳର ଅସହାୟ ଲୋକଙ୍କୁ ସରକାରୀ ଯୋଜନା ସ୍ତରରେ ସାମିଲ କରିବା ପାଇଁ ସଂଘର ସମ୍ପାଦକ ବେଦବର ଛତ୍ରିଆ କହିଛନ୍ତି । ଏହିପରି କାର୍ଯ୍ୟକ୍ରମକୁ ବିଡ଼ିଓ ଏବଂ ଥାନା ଅଧିକାରୀ ପ୍ରଶଂସା କରିଛନ୍ତି ।
