ପୁରୀ : ଶ୍ରୀରାମ ନବମୀଠାରୁ ଆରମ୍ଭ ହୋଇଥିବା ଶ୍ରୀକ୍ଷେତ୍ର ସାହିଯାତ୍ରାରେ ଗତକାଲି ବିଳମ୍ବିତ ରାତ୍ରିରେ ରାବଣ ସେତୁବନ୍ଧ ପ୍ରତିଷ୍ଠା ନୀତି ସମ୍ପର୍ଣ୍ଣ କରିଛି । ଗତକାଲି ବାଲିସାହି ଆଖେଡା ପକ୍ଷରୁ ରାବଣ ବାହାରି ଗୌଡ଼ବାଡ଼ ସାହିରେ ଥିବା ଜମ୍ବେଶ୍ୱର ମନ୍ଦିରକୁ ଯାଇ ସେଠାରେ ଦେବ ନୀତି ସମାପନ କରିବା ପରେ ଜଗନ୍ନାଥବଲ୍ଳଭ ମଠରେ ପହଂଚିଥିଲା । ଅନ୍ୟପଟେ ଗତକାଲି ରାତିରେ ଶ୍ରୀମନ୍ଦିରରେ ସନ୍ଧ୍ୟାଧୂପ ସରିବା ପରେ ଆଜ୍ଞାମାଳ ପାଇଁ ଶ୍ରୀରାମ ଓ ଶ୍ରୀଲକ୍ଷ୍ମଣ ଜଗନ୍ନାଥବଲ୍ଲଭ ମଠକୁ ବିଜେ କରିବା ପରେ ସେଠାରେ ସେତୁବନ୍ଧ ପ୍ରତିଷ୍ଠା ଲୀଳା ସଂପନ୍ନ କରାଯିବା ପରେ ଠାକୁର ମାନେ ଶ୍ରୀମନ୍ଦିରକୁ ବାହୁଡା଼ ବିଜେ କରିଥିଲେ । ଆଜି ବାଲିସାହି ଆଖେଡା ପକ୍ଷରୁ ରାବଣ ବଧ ନୀତି ସମାପନ କରାଯିବାକୁ ଥିବା ବେଳେ ଆସନ୍ତା ୧୫ ତାରିଖ ଦିନ ରାମାଭିଷେକ ନୀତି କରାଯିବାର କାର୍ଯ୍ୟକ୍ରମ ରହିଛି ।
