ସୁବର୍ଣ୍ଣପୁର : ସ୍କୁଟିକୁ ଧକ୍କାଦେଲା ଜିଲ୍ଲା ଜନସ୍ୱସ୍ଥ୍ୟ ଅଧିକାରୀଙ୍କ ଗାଡି,ସ୍କୁଟି ଚାଳକ ମାଆ ସହ ଦୁଇ ଶିଶୁ ଗୁରତର । ସବର୍ଣ୍ଣପୁର ଜିଲ୍ଲା ସଦର ମହକୁମାରେ ଘଟିଛି ଏଭଳି ଏକ ଦୁର୍ଘଟଣା । ମିଳିଥିବା ସୂଚନା ଅନୁସାରେ ସୋନପୁର ସହରର ଏକ ଘରୋଇ ସ୍କୁଲରୁ ପରୀକ୍ଷା ଦେଇ ମାଙ୍କ ସହ ସ୍କୁଟିରେ ବସି ଫେରୁଥିବା ସମୟରେ ଏହି ଦୁର୍ଘଟଣା ଘଟିଛି । ସୋନପୁର ସହର ପଟାଭାଡିରୁ ବ୍ଲକ ଛକକୁ ଆସିଥିବା ବାଇପାସ ରାସ୍ତାରେ ମହିଳା ଜଣକ ସ୍କୁଟି ଚଳାଇ ଆସୁଥିବା ସମୟରେ ସାମ୍ନାରୁ ଆସୁଥିବା ଜିଲ୍ଲା ଜନ ସ୍ୱସ୍ଥ୍ୟ ଅଧିକାରୀ ଡ. ମନୋଜ କୁମାର ଅଦାବରଙ୍କ ସରକାରୀ ଗାଡି ଧକ୍କା ଦେଇଥିଲା । ଫଳରେ ଗାଡିରେ ବସିଥିବା ମହିଳା ଇନ୍ଦ୍ରାଣୀ ମହାନନ୍ଦିଆ,ତାଙ୍କର ତାଙ୍କ ଝିଅ ବିଦିଶାରାଣୀ ମହାନନ୍ଦିଆ ଏବଂ ପୁଅ ହେରମ୍ବ ମହାନନ୍ଦିଆ ଛିଟିକି ପଡି ଗୁରୁତର ଭାବେ ଆହତ ହୋଇଥିଲେ । ସମସ୍ତ ତିନି ଗୁରୁତରଙ୍କୁ ସୋନପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।
