ଚମ୍ପୁଆ : ଚମ୍ପୁଆ ଚନ୍ଦ୍ରଶେଖର ମହାବିଦ୍ୟାଳୟରେ ଆଜି ଗଣତନ୍ତ୍ରକୁ ସୁଦୃଢ କରିବାକୁ ନେଇ ମୁଁ ବି ମିତା କାର୍ଯ୍ୟକ୍ରମ ଉପ ଜିଲ୍ଲାପାଳ ସୁକାନ୍ତ ମାଝିଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ଏନେଇ ଶ୍ରୀଯୁକ୍ତ ମାଝି ଏଥିରେ ଯୁବ ଭୋଟରମାନଙ୍କୁ ସଚେତନ କରିବା ସହ ନିଜର ମତଦାନ ପାଇଁ ହକ ସାବ୍ୟସ୍ତ କରିବାକୁ ପଞ୍ଜିକରଣ କରିବା । ୨୦୦୪ ନିର୍ବାଚନରେ ଅଂଶଗ୍ରହଣ କରିବା, ସ୍ଥାୟୀ ଭାବେ ସ୍ଥାନାନ୍ତରିତ ଭୋଟର ପାଇଁ ଓ ସଂଶୋଧନ ତଥା ମୃତ ଭୋଟର ବାଦ ଇତ୍ୟାଦି ଉପରେ ସଚେତନ ପାଇଁ ସୂଚନା ପ୍ରଦାନ କରିଥିବାବେଳେ ଅତିରିକ୍ତ ଜିଲ୍ଲାପାଳ ସର୍ମିଷ୍ଠା ସାହୁ ଏହାର କାର୍ଯ୍ୟପ୍ରଣାଳୀ ବିଷୟରେ ଅବଗତ କରାଇଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥିଭାବେ ବିଡିଓ ଜ୍ୟୋସ୍ନାରାଣି ନାଏକ, ଅତିରିକ୍ତ ତହସିଲଦାର ରମେଶ ଚନ୍ଦ୍ର ନାୟକ ଓ ବିଦ୍ୟାଳୟର ଅଧ୍ୟକ୍ଷ ରାଜେନ୍ଦ୍ରକର ଯୋଗଦାନ କରିଥିବାବେଳେ ମହା ବିଦ୍ୟାଳୟର ଅଧ୍ୟାପକ ସ୍ୱାଧିନ ସିଂ, ଚମ୍ବେଶ୍ୱର ମିଶ୍ର, ଦୁଃଖବନ୍ଧୁ ମହାନ୍ତ, ବ୍ଲକ୍ ଲେଭାଲ ଅଫିସର ତଥା ମହାବିଦ୍ୟାଳୟର ଅନେକ ଛାତ୍ରଛାତ୍ରୀ ଯୋଗ ଦାନ କରିଥିଲେ ।
