ନନ୍ଦାହାଣ୍ଡି : ବଙ୍ଗୋପସାଗରରେ ଘୂର୍ଣ୍ଣିବଳୟ ଯୋଗୁଁ ରାଜ୍ୟରେ ଲଘୁଚାପ ଜନିତ ଲଗାଣ ବର୍ଷା ଲାଗିରହିଛି । ଏଥି ଯୋଗୁଁ ନବରଙ୍ଗପୁର ଜିଲ୍ଲାକୁ ରେଡ୍ ଆଲର୍ଟ ଜାରି କରାଯାଇଛି । ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହେବା ସହ ପ୍ରଭାବିତ ହୋଇଛନ୍ତି । ଲଗାଣ ବର୍ଷା ଯୋଗୁଁ ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ସିନ୍ଧିଗୁଡା ପଞ୍ଚାୟତ ଅନ୍ତର୍ଗତ ମିର୍ଗାନଗୁଡାର ସୋମନାଥ ରାଉତଙ୍କ ଘର ଆଜି ଦିନ ୧୦ ୩୦ ସମୟରେ ଭାଙ୍ଗିଯାଇଛି । ଘର ଭାଙ୍ଗିବା ସମୟରେ ସୋମନାଥଙ୍କ ସ୍ତ୍ରୀ ଓ ପୁଅ ଫସି ଯାଇଥିଲେ । ସୋମନାଥଙ୍କ ସ୍ତ୍ରୀ ଓ ପୁଅଙ୍କ ଚିତ୍କାର ଶୁଣି ସାହି ପଡିଶା ଘର କବାଟ ଭାଙ୍ଗି ସେମାନଙ୍କୁ ଉଦ୍ଧାର କରିଥିଲେ । ଘର ଭାଙ୍ଗିବା ଯୋଗୁଁ ଅଳ୍ପକେ ପରିବାର ବର୍ତ୍ତି ଥିବା ବେଳେ କୌଣସି ଆଘାତ ଲାଗି ନ ଥିବା ସୂଚନା ମିଳିଛି । ସୋମନାଥ ରାଉତ ଜଣେ ଆରଡବ୍ଲୁଏସଏସ ବିଭାଗରେ ନଳକୂପ ମରାମତି ଓ ଅନ୍ୟ କାମ କରି ଘର ଚଳାଉଥିବା ବେଳେ ଏପରି ଘଟଣା ଯୋଗୁଁ ସେ ଭାଙ୍ଗି ପଡିଛନ୍ତି । ସୋମନାଥଙ୍କ ପରିବାର କହିଲେ ସ୍ତ୍ରୀ ସହ ପୁଅ ଓ ଝିଅ । ବର୍ତ୍ତମାନ ସେ ଘର ତୋଳିବେ କି ଘର ଚଳାଇବେ ଚିନ୍ତାରେ ଭାଙ୍ଗି ପଡିଛନ୍ତି । ସୋମନାଥଙ୍କୁ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି ।
