ନବରଙ୍ଗପୁର: ନବରଙ୍ଗପୁର ସହର ଗବରିଏଲଗୁଡ଼ା ନିକଟରେ ଥିବା ସରକାରି ଲାଇସେନ୍ସ ପ୍ରାପ୍ତ ଠିପି ବନ୍ଦ ମଦ ଦୋକାନରେ ଗତ ଜୁଲାଇ ୩୦ ତାରିଖ ରାତିରେ ଚୋରି ଘଟଣାରେ ଆଜି ନବରଙ୍ଗପୁର ପୋଲିସ ଜଣକୁ କୋର୍ଟ ଚାଲାଣ କରିଛି । ନବରଙ୍ଗପୁର ପୋଲିସ ସୂଚନା ମୁତାବକ ଗତ ଜୁଲାଇ ମାସ ୩୧ ତାରିଖରେ ଉକ୍ତ ମଦ ଦୋକାନର ସ୍ୱୀକୃତି ପ୍ରାପ୍ତ ସେଲସ ମ୍ୟାନ ସତ୍ୟନାରାୟଣ ଦାସଙ୍କ ଏଫ୍ଆଇଆର ଆଧାରରେ ତଦନ୍ତ କରି ସିସିଟିଭି ଫୁଟେଜ ଆଧାରରେ ଗଦବାଗୁଡ଼ା ଅଞ୍ଚଳର, ଲହରା ସାହିର ଜାକୋବ ହରିଜନକୁ ଗିରଫ କରାଯାଇଛି । ସିସିଟିଭିରେ ମଧ୍ୟରାତ୍ର ଠିକ୍ ଦୁଇ ଘଣ୍ଟ ସମୟରେ ଦୋକାନର ଟିଣ ତାଡି ଚୋର ମଦ ବୋତଲ ଓ କିଛି ଟଙ୍କା ଚୋରି କରିବା ଦେଖା ଯାଇଥିଲା । ଦୋକାନରୁ ୨୦,୦୦୦ ଟଙ୍କା ଓ ଆଠରୁ ଦଶ ଗୋଟି ୭୫୦ମିଲି ମଦ ବୋତଲ ଚୋରି ଯାଇଥିବା ଅଭିଗୋଗ ହୋଇଥିବା ବେଳେ ଯାକବ ଠାରୁ ୭୩୩୦ ଟଙ୍କା ଓ ପାଞ୍ଚ ଗୋଟି ୭୫୦ମିଲିର ବୋତଲ ଜବତ କରାଯାଇଛି । ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯାଉଥିବା ବେଳେ ଚୋରିରେ ତାର ଅନ୍ୟ ସାଥୀମାନଙ୍କୁ ଧରିବା ପାଇଁ ଯୋଜନା କରାଯାଉଥିବା ଆଇଆଇସି ପ୍ରକାଶ କରିଥିଲେ ।
