ସମ୍ବଲପୁର : ସ୍ଥାନୀୟ ଦେହେରୀପାଲି ସାଣ୍ଡିଲ୍ୟ କଲେଜ ନିକଟରେ ଆଜି ଏକ ଷଣ୍ଢ ଅନ୍ୟ ଏକ ଷଣ୍ଢ ସହ ଲଢିବା ପରେ ଡ୍ରେନରେ ଖସି ପଡିଥିଲା ଓ ସେଠାରେ ଫଶି ରହିଯାଇଥିଲା । ସ୍ଥାନୀୟ ସୂତ୍ରରୁ ଏବିଷୟରେ ଶୁଣି ଜାଣିବା ପରେ ଏହି ଅଂଚଳରେ ନିଯୁକ୍ତ ସମ୍ବଲପୁର ନଗର ନିଗମ ସଫେଇ ଜମାଦାର ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର କରିଥିଲେ । ସୂଚନା ପାଇ ଅବିଳମ୍ବେ ଅଗ୍ନିଶମ ବିଭାଗୀୟ କର୍ମଚାରୀ ସେଠାରେ ପହଞ୍ଚି ପ୍ରଥମେ ସ୍ଥିତି ଅନୁଧ୍ୟାନ କରିବା ସହ ଷଣ୍ଢକୁ ସେଠାରୁ ଉଦ୍ଧାର କରିଥିଲେ । ଏହା ପୂର୍ବରୁ ଏପରି କିଛି ଘଟଣାରେ ଉଦ୍ଧାର କାର୍ଯ୍ୟରେ ବିଳମ୍ବ ହେବାରୁ ନିରିହ ପଶୁ ସେଠାରେ ମୃତ୍ୟୁବରଣ କରିଥିବାର ନଜିର ରହିଛି । ଏ ପରିପ୍ରେକ୍ଷୀରେ ଆଜିକାର ଏହି ତତ୍କାଳୀନ ଉଦ୍ଧାର କାର୍ଯ୍ୟକୁ ସ୍ଥାନୀୟ ଲୋକେ ସାଧୁବାଦ ଜଣାଇଛନ୍ତି ।
