ହରଭଙ୍ଗା : ପୋଖରୀକୁ ଗାଧୋଇବାକୁ ଯାଇ ଜଣେ ବାଳକହ ମୃତ୍ୟୁ ହୋଇଥିବା ଜଣାପଡିଛି । ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ପୁରୁଣାକଟକ ଥାନା ଆଡେଣିଗଡ଼ ଫାଣ୍ଡି ଅଧିନସ୍ଥ ବଦଳାଗ୍ରାମରେ । ମିଳିଥିବା ସୂଚନା ମତେ ଗ୍ରାମର ଅଶୋକ ମାଝୀଙ୍କ ପୁଅ ଅଭିନାଶ ମାଝୀ (୧୬) ସାଙ୍ଗ ସାଥିଙ୍କ ସହିତ ଗ୍ରାମର ନିକଟସ୍ଥ ପୋଖରୀକୁ ବୁଧବାର ଦିନ ମଧ୍ୟାହ୍ନ ସମୟରେ ଗାଧୋଇବାକୁ ଯାଇଥିଲେ । ସେ ପୋଖରୀ ଗାଧୋଉଥିବା ସମୟରେ ଅସବଧାନତା ହେତୁ ପାଣିରେ ବୁଡି ଯାଇଥିଲେ । ସ୍ଥାନୀୟ ଲୋକେ ତୁରନ୍ତ ଅବିନାଶକୁ ଉଦ୍ଧାର କରି ଆଡେଣିଗଡ଼ ମେଡିକାଲକୁ ଆଣି ଭର୍ତ୍ତି କରିଥିଲେ । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଖବରକୁ ନେଇ ଅଞ୍ଚଳରେ ଏକ ଶୋକର ଛାୟା ଖେଳି ଯାଇଥିବା ବେଳେ ଘଟଣାକୁ ନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ପୋଲିସ ପକ୍ଷରୁ ସୂଚନା ମିଳିଛି ।
