ସୁବର୍ଣ୍ଣପୁର : ଆଜି ସୋନପୁର ସହରର ଭଗବତୀ କଲ୍ୟାଣ ମଣ୍ଡପ କ୍ୟାମ୍ପସରେ ସାମୁହିକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କ୍ଲବର ସଭାପତି ନାରାୟଣ ରଥ ଓ ସମ୍ପାଦକ ଧିରେନ୍ଦ୍ର ମେହେରଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କ୍ଲବର ଉପଦେଷ୍ଟା କୃଷ୍ଣ ଚନ୍ଦ୍ର ମେହେର, ମାନଭଞ୍ଜନ ବେଦବାକ, ବରିଷ୍ଠ ସାମ୍ବାଦିକ ଦିଲ୍ଲୀପ ପାତ୍ର, ମନୋରଞ୍ଜନ ତ୍ରିପାଠୀ ଯୋଗ ଦେଇ ସମସ୍ତ ସଦସ୍ୟଙ୍କୁ ଉତ୍ସାହିତ କରି ପରିବେଶ ସୁରକ୍ଷା ଲାଗି ଆୟୋଜନ କରିଥିବା ଏଭଳି ମହତ କାର୍ଯ୍ୟକୁ ପ୍ରଶଂସା କରି ଏହା ଆଗକୁ ଜାରି ରଖିବା ପାଇଁ ପରାମର୍ଶ କରିଥିଲେ । କରଞ୍ଜ ଓ ୟୁକାଲି ପଟାସ ସହିତ ବିଭିନ୍ନ ପ୍ରକାରର ଔଷଧୀୟ ଗଛ ସବୁ ଏହି ମଣ୍ଡପ ଓ ଏହାର ଚତୁପାର୍ଶ୍ୱରେ ରୋପଣ କରାଯାଇଥିଲା । ସୋମନାଥ, ବ୍ରଜେନ୍ଦ୍ର, ସାନୁ, ଉତ୍ତମ, ହରିବୋଲ, ପ୍ରଦୀପ, ଯୋଗେନ୍ଦ୍ର, ସୁମ, ରୁପେଶ,ବୁଲୁ, ପ୍ରକାଶ ପ୍ରମୁଖ ବହୁ ସକ୍ରିୟ ସଭ୍ୟ ଯୋଗ ଦେଇ ଏହି କାର୍ଯ୍ୟକ୍ରମରେ ଭାଗ ନେଇଥିଲେ ।
