ହରଭଙ୍ଗା: ହରଭଙ୍ଗା ବ୍ଲକ ଲୁଣିବାହାଲ ପଞ୍ଚାୟତ ସଦରମହକୁମା ଠାରେ ଶୁକ୍ରବାର ନୂତନ ହାଟ ଉଦଘାଟିତ ହୋଇଯାଇଛି ।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ହରଭଙ୍ଗା ବ୍ଲକ ଅଧକ୍ଷା ସ୍ନେହଲତା ପ୍ରଧାନ, ଉପାଧ୍ୟକ୍ଷ ସରୋଜ ପ୍ରଧାନ ଯୋଗ ଦେଇ ଶୁଭ ଉଦଘାଟନ କରିଥିଲେ । ଅନ୍ୟ ଅତିଥି ଭାବେ ହରଭଙ୍ଗା ଗୋଷ୍ଠୀ ଉନ୍ନୟନ ଅଧିକାରୀ ରବିନ୍ଦ୍ର ନାଥ କଁହର, ସ୍ଥାନୀୟ ସରପଞ୍ଚ ଚନ୍ଦ୍ରମା ପ୍ରଧାନ, ସମିତି ସଭ୍ୟାଙ୍କ ପ୍ରତିନିଧି ଭବାନୀ ସଙ୍କର ଅମାତ, ପଞ୍ଚାୟତ ନିର୍ବାହୀ ଅଧିକାରୀ ଜ୍ଞାନରଞ୍ଜନ ମିଶ୍ର ପ୍ରମୁଖ ଉପସ୍ଥିତ ଥିଲେ ।
ନୂଆ କରି ଏହି ସାପ୍ତାହିକ ହାଟ ଉଦଘାଟନ ହେଉଥିବାରୁ ଅଞ୍ଚଳର ବହୁ ବ୍ୟକ୍ତି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ମାସର ପ୍ରତ୍ୟେକ ଶୁକ୍ରବାର ଦିନ ଏହି ହାଟ ଅନୁଷ୍ଠିତ ହେବ । ଏହି ହାଟ ପାଇଁ ଅଞ୍ଚଳର ବହୁ ଛୋଟ ଛୋଟ ବ୍ୟବସାୟୀ ଉପକୃତ ହେବେ ବୋଲି ସୂଚନା ମିଳିଛି ।
