ଦଶପଲ୍ଲା : ଦଶପଲ୍ଲାର ବିଭିନ୍ନ ଅନୁଷ୍ଠାନ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳିତ ହୋଇଯାଇଛି । ଜିଲ୍ଲା ଆଇନ୍ ସେବା କମିଟି ତଥା ତାଲୁକ ଆଇନ୍ ସେବା ପ୍ରାଧିକରଣ ପକ୍ଷରୁ ସ୍ଥାନୀୟ ବାଳିକା ଉଚ୍ଚ ବିଦ୍ୟାଳୟ ପରିସରରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇଛି । ଜେଏମ୍ଏଫ୍ସି ମିର୍ଜା ଅସଲମ୍ ବେଗ୍ଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଆଇନଜୀବି ଦେବଦତ୍ତ ମହାପାତ୍ର, ବିରେନ୍ଦ୍ର ନାୟକ, କୃଷ୍ଣଚନ୍ଦ୍ର ଦାସ, ଆଲୋକ ସେନାପତି, ଦଶପଲ୍ଲା ଥାନା ସେକେଣ୍ଡ ଅଫିସର ଚକ୍ରଧର ସିଂ ପ୍ରମୁଖ ଯୋଗଦେଇ ମହିଳାମାନେ ସମାଜରେ ସମାନ ଅଧିକାର ପାଇବା ଏବଂ ସେମାନଙ୍କ ପାଇଁ ଥିବା କେତେକ ସ୍ୱତନ୍ତ୍ର ଆଇନ୍ ବିଷୟରେ କହିଥିଲେ । ସେହିଭଳି କୃଷ୍ଣପ୍ରୀୟା ଦେବୀ ମହିଳା ମହାବିଦ୍ୟାଳୟ ପରିସରରେ ବିଶ୍ୱ ମହିଳା ଦିବସ ପାଳିତ ହୋଇଯାଇଛି ।ଏହି ଅବସରରେ ରେଡକ୍ରସ, ରେଡ୍ ରିବନ କ୍ଳବ୍ର ଛାତ୍ରୀମାନେ, ସ୍ଥାନୀୟ ବିଧାୟକ ରମେଶ ଚନ୍ଦ୍ର ବେହେରା ପ୍ରମୁଖ ଯୋଗ ଦେଇଥିଲେ । ଏଥିସହ ଏକ ରକ୍ତ ଦାନ ଶିବିର ଆୟୋଜନ କରାଯାଇଥିଲା । ଅଧ୍ୟକ୍ଷା ପୂର୍ଣ୍ଣମାସୀ ଦେବୀ ପ୍ରଥମେ ରକ୍ତ ଦାନ କରିଥିଲେ । ସେହିପରି ଇଲେଭେନ୍ ଷ୍ଟାର କ୍ଲବ୍ ପରିସରରେ ଅଖିଳ ଭାରତ ଗଣତାନ୍ତ୍ରିକ ମହିଳା ସମିତି ପକ୍ଷରୁ ଜୟନ୍ତୀ ଦାଶଙ୍କ ସଭାପତିତ୍ୱରେ ଆନ୍ତର୍ଜାତିକ ମହିଳା ଦିବସ ପାଳନ କରାଯାଇଥିଲା । ଏଥିରେ ବାସନ୍ତୀ ପୃଷ୍ଟି, ରୋଜାଲିନ୍ ସାହୁ, ପ୍ରଭାତ କୁମାର ସାହୁ ପଭୃତି ଯୋଗଦେଇ ନିଜର ବକ୍ତବ୍ୟ ରଖିଥିଲେ । ଆଇନଜୀବୀ ଶରତ ଚନ୍ଦ୍ର ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ ।
