ଦଶପଲ୍ଲା : ଆଜି ସକାଳ ୯.୩୦ ସମୟରେ ନୟାଗଡ଼ ରଣପୁର ରାସ୍ତାର ବଜ୍ରକୋଟ୍ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି । ଏକ ପାସେଞ୍ଜର ଅଟୋକୁ ଧକ୍କା ଦେଇଛି ମାଲବୋଝେଇ ଟ୍ରକ । ଅଟୋଟି ପାସେଞ୍ଜେର ଧରି ଦର୍ପନାରାୟଣପୁରୁରୁ ରଣପୁର ଅଭିମୁଖେ ଯାଉଥିଲାବେଳେ ଟ୍ରକଟି ରଣପୁରରୁ ନୟାଗଡ଼ ଅଭିମୁଖେ ଯାଉଥିଲା । ଅଟୋ ଓ ଟ୍ରକ୍ ସାମ୍ନାସାମ୍ନି ଧକ୍କାହେବା ଯୋଗୁଁ ଅଟୋରେ ବସିଥିବା ଲୋକଙ୍କ ମଧ୍ୟରୁ ଜାଣେ ମହିଳା ଟ୍ରକ ଚକାତଳେ ପଡିଯିବା ଫଳରେ ମହିଳାଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା । ଅନ୍ୟଜଣେ ବ୍ୟକ୍ତି ଗୁରୁତର ଆହତ ହୋଇଛିନ୍ତି । ଘଟଣା ସ୍ଥଳରେ ଦମକଳ ଓ ପୋଲିସ ବାହିନୀ ପହଞ୍ଚି ଶବ ଜବତ କରି ବ୍ୟବଚ୍ଛେଦ କରିବାକୁ ରଣପୁର ଡାକ୍ତରଖାନାକୁ ପଠାଇଛନ୍ତି । ପୋଲିସ ଆହତ ମାନଙ୍କୁ ପ୍ରାଥମିକ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଛନ୍ତି ।
