ପୁରୀ : ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ପ୍ରସ୍ତୁତ ଅହିଂସା ରଥ ଆଜି ପୁରୀ ସଦର ବ୍ଲକର ବିଭିନ୍ନ ଅଞ୍ଚଳ ପରିକ୍ରମା କରିଛି । ବାଲି ଗୁଆଳି ନିକଟରେ ଏହି ଅଂହିସା ରଥକୁ ଭବ୍ୟ ସ୍ୱାଗତ କରାଯାଇଥିଲା । ସଦର ବ୍ଲକ ଅଧ୍ୟକ୍ଷ ଦିବାକର ପାତ୍ର, ଜିଲ୍ଲା ମହିଳା ବିଜୁ ଜନତା ଦଳ ସଭାପତି ତଥା ପ୍ରାକ୍ତନ ନଗରପାଳ ଶାନ୍ତିଲତା ପ୍ରଧାନ, ବିଡିଓ ସମ୍ବିତ ଶତପଥୀ, ଜିଲ୍ଲା ପରିଷଦ ସଦସ୍ୟା ମାମିନା ଦାସ ପ୍ରମୁଖ ରଥକୁ ସ୍ୱାଗତ କରିଥିଲେ । ବାଲିଗୁଆଲି ପଞ୍ଚାୟତ ପରେ ରଥ ସମଙ୍ଗରା ପଞ୍ଚାୟତର ବିଭିନ୍ନ ଗ୍ରାମ ପରିକ୍ରମା କରିଥିଲା । ମାମତାମୟୀ ଦେଇ, ଜ୍ୟୋତିର୍ମୟୀ ମିଶ୍ର, ପ୍ରଦୀପ୍ତ ସାମର୍ଥା, ରଞ୍ଜୁଲତା ବିଶ୍ୱାଳ, ସତ୍ୟଭାମା ଶ୍ରୀଚନ୍ଦନଙ୍କ ସମେତ ପଞ୍ଚାୟତ ସ୍ତରୀୟ ମହିଳା ମହା ସଂଘର ସଭାପତି, ସମ୍ପାଦିକା, ଏମବିକେ ଓ ସିଆରବି ପ୍ରମୁଖ ଏଥିରେ ଅଂଶ ଗ୍ରହଣ କରିଥିଲେ । ହାତରେ ତ୍ରିରଙ୍ଗା ଧରି ମହିଳା ମାନେ ଏହି ଯାତ୍ରାରେ ସାମିଲ ହୋଇଥିବା ବେଳେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ରଥକୁ ବିଭିନ୍ନ ଗ୍ରାମରେ ବିପୁଳ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।
