ଫୁଲବାଣୀ:- ରାଜ୍ୟ ସୂଚନା ଓ ପ୍ରଯୁକ୍ତିବିଦ୍ୟା ବିଭାଗର ପ୍ରମୁଖ ଉପଦେଷ୍ଟା ଅନୁଭବ ପଟ୍ଟନାୟକଙ୍କ ଦୁଇଦିନିଆ କନ୍ଧମାଳ ଜିଲ୍ଲା ଗସ୍ତରେ ଆସି ଫୁଲବାଣୀ ବିଡିଓ ପ୍ରବୀଣ କୁମାର ବାଣୁଆଙ୍କ ସହ ଆଲୋଚନା କରିଥିଲେ । କନ୍ଧମାଳ ଜିଲ୍ଲାର ଡିଜିଏମ ରୀତାଶ୍ରୀ ବାରିକ, ଜିଲ୍ଲାର ମୋ ସେବା କେନ୍ଦ୍ର ପରିଚାଳନା ଅଧିକାରୀମାନେ ଉପସ୍ଥିତ ଥିଲେ ଓ ଜିଲ୍ଲାର ବରିଷ୍ଠ ଅଧିକାରୀମାନଙ୍କ ସହ ଖଜୁରୀପଡା, ଗଞ୍ଜୁଗୁଡା, ବିସିପଡା, ମିଣିଆ, ଚକାପାଦ, ଜିଲ୍ଲାର ଫୁଲବାଣୀ, ଟିକାବାଲି, ଖଜୁରିପଡା ବ୍ଲକ ଏବଂ ପଞ୍ଚାୟତ କାର୍ଯ୍ୟାଳୟ ପରିଦର୍ଶର୍ନ କରିବାସହ ପଞ୍ଚାୟତରେ ଚାଲିଥିବା ମୋ ସେବା କେନ୍ଦ୍ର ପରିଦର୍ଶନ କରିଥିଲେ । ସେବାକେନ୍ଦ୍ରରେ କିପରି ଜନସାଧାରଣ ଉପକୃତ ହୋଇପାରିବେ ତା ଉପରେ ଆଲୋଚନା କରିଥିଲେ ଓ ଜିଲ୍ଲାରେ ହୋଇଥିବା ୫ ଟି ସ୍କୁଲଗୁଡିକୁ ପରିଦର୍ଶନ କରିଥିଲେ । ୫ ଟି ସ୍କୁଲ ଗୁଡିକ କିପରି ଅନଲାଇନ ବ୍ୟବସ୍ଥା ହୋଇପାରିବ, ସ୍ମାର୍ଟ ଶ୍ରେଣୀଗୃହ ଚାଲିପାରିବ ସେ ବିଷୟରେ ଅନୁଧ୍ୟାନ କରିଥିଲେ ଓ ଜିଲ୍ଲାରେ ପ୍ରତି ବ୍ଲକରେ ଥିବା ଆଧାରକାର୍ଡ ସେଣ୍ଟର ଚାଲିଥିବାବେଳେ ଆଧାର ସେଣ୍ଟରକୁ ଯାଇ ଅନୁଧ୍ୟାନ କରିଥିଲେ । ଜିଲ୍ଲାର ଗଞ୍ଜୁଗୁଡା, ମିଣିଆ ପଞ୍ଚାୟତ ଅଫିସରେ ନୂତନ ଭାବରେ ମୋ ସେବାକେନ୍ଦ୍ର ଉଦଘାଟନ କରିଥିଲେ ।
