ଘୁ ଉଦୟଗିରି: ସ୍ଥାନୀୟ କଳିଙ୍ଗା ଘାଟିରେ ଏକ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି ଏକ ଗୁଡ଼ ବୋଝେଇ ଟ୍ରକ । ସୂଚନା ଅନୁସାରେ ଓଡି ୦୨ବିଜେ ୭୬୩୧ ନମ୍ୱର୍ ଏକ ଆଇଚର ଟ୍ରକ ନବରଙ୍ଗପୁରଠାରୁ ବ୍ରହ୍ମପୁର ଗୁଡ଼ ନେଇ ଯାଉଥିବା ବେଳେ କଳିଙ୍ଗା ଘାଟିର ଅନ୍ଧାରକୋଟ ନିକଟରେ ଗାଡ଼ିର ଡ୍ରମ ଜାମ୍ ହେବା ଫଳରେ ପଛ ଚକାରେ ପ୍ରବଳ ଧୂଆଁ ବାହାରିଥିଲା, ଫଳରେ ଡ୍ରାଇଭର ସମ୍ବିତ ଖଟୁଆ ଉପଯୁକ୍ତ ବୁଦ୍ଧି ଖଟାଇ ତୁରନ୍ତ ଗାଡିକୁ ଅଟକାଇ ସ୍ଥାନୀୟ ଅଗ୍ନିଶମ ବିଭାଗକୁ ଫୋନ୍ କରିଥିଲେ ଓ ତୁରନ୍ତ ଅଗ୍ନିଶମ ବାହିନୀ ପକ୍ଷରୁ ଅଗ୍ନିଶମ ଅଧିକାରୀ ମନୋରଞ୍ଜନ ପାଢ଼ୀ ଓ ତାଙ୍କ ଦଳ ଘଟଣା ସ୍ଥଳକୁ ପହଞ୍ଚିଥିଲେ ଓ ପାଣି ସ୍ପ୍ରେରେ କରି ଧୂଆଁକୁ ଆୟତ୍ତ କରିଥିଲେ । ଅଗ୍ନିଶମ ବାହିନୀ ତୁରନ୍ତ ଘଟଣା ସ୍ଥଳକୁ ପହଞ୍ଚିବା ଦ୍ୱାରା ଏକ ବଡ଼ ଘଟଣାରୁ ବାର୍ତ୍ତିଯାଇଛି ଟ୍ରକ୍ ବୋଲି ସାଧାରଣରେ ଆଲୋଚନା ହେଉଛି ।
