ନୂଆପଡ଼ା : ନୂଆପଡ଼ା ରେଞ୍ଜ ଅଧିନ ସିଲିଆରିବାହାରା ଗାଁ ନିକଟରେ ଏକ ବାଘ ଅସୁସ୍ଥ ଅବସ୍ଥାରେ ପଡିଥିଲା । ଖରାରେ ବାଘଟି ଛଟପଟ ହେଉଥିଲା । ଉଠିବାକୁ ଚେଷ୍ଟା କରୁଥିଲେ ବି ଉଠି ପାରୁନଥିଲା । ଏହି ଖବର ପାଇ ବନ ବିଭାଗ ଅଧିକାରୀ ଓ କର୍ମଚାରୀ ଘଟଣା ସ୍ଥଳରେ ପହଞ୍ଚି ବାଘକୁ ଜାଲରେ କାବୁ କରିଥିଲେ । ପୂର୍ବାହ୍ନରେ ନୂଆପଡ଼ା ପ୍ରାଣୀ ସମ୍ପଦ ବିଭାଗ ଅଧିକାରୀ ଓ କର୍ମଚାରୀ ପହଞ୍ଚି ବାଘର ଚିକିତ୍ସା କରିଥିଲେ । ଏବେ ବାଘକୁ ଉଦ୍ଧାର କରି ନୂଆପଡ଼ାକୁ ଆଣିଛନ୍ତି । ଜିଲ୍ଲା ପ୍ରାଣୀଧନ ଚିକିତ୍ସାଳୟରେ ରଖି ଅଧିକ ଚିକିତ୍ସା କରାଯିବ ବୋଲି ଏସିଏଫ ମହମ୍ମଦ ସାଲେହା ସୂଚନା ଦେଇଛନ୍ତି ।
