ପୁରୀ : ଉତ୍ତର ଓଡ଼ିଶାର ଅଗ୍ରଣୀ ସଂଗଠନ ଜଳେଶ୍ୱର ଆର୍ଟ ଫାଉଣ୍ଡେସନ ଓ ଶକୁନ୍ତଲା ଆର୍ଟ ଗ୍ୟାଲରୀ ଭୁବନେଶ୍ୱର ଏବଂ ଓଡ଼ିଶା କଲେଜ ଅଫ ଆର୍ଟ କ୍ରାଫ୍ଟ, ପୁରୀ ମିଳିତ ଆନୁକୁଲ୍ୟରେ ଚତୁର୍ଥ ଆନ୍ତର୍ଜାତିକ ଚିତ୍ରକଳା ଶିବିର ଓ ଗ୍ରୁପ ଚିତ୍ରକଳା ପ୍ରଦର୍ଶନୀ ଅର୍କ କ୍ଷେତ୍ର କୋଣାର୍କଠାରେ ମୂଖ୍ୟଅତିଥି ସଂସ୍କୃତ ଅଧିାକରୀ ହେମନ୍ତ କୁମାର ବେହେରା ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟିତ କରିଛନ୍ତି । ସମ୍ମାନିତ ଅତିଥି ଭାବରେ ଓଡ଼ିଶା ଚାରୁ ଓ କାରୁ କଳା ମହା ବିଦ୍ୟାଳୟର ଅଧ୍ୟକ୍ଷ ଦୁର୍ଗାମାଧବ କର, ଅନ୍ୟତମ ସମ୍ମାନିତ ଅତିଥି ରୂପେ ବରିଷ୍ଠ ଭାଷ୍କର୍ଯ୍ୟ ଶିଳ୍ପୀ ଚନ୍ଦ୍ର ଶେଖର ମହାରଣା, ଅନୁଷ୍ଠାନର ସମ୍ପାଦକ ମୁକ୍ତିପଦ ନଦୀ ଉପସ୍ଥିତ ରହି ମତବ୍ୟକ୍ତ କରିଥିଲେ । ଏହି ଚିତ୍ରକଳା ଶିବିରରେ ଓଡ଼ିଶା ସମେତ ନେପାଳ, ଭିଏତନାମ, ବାଂଲାଦେଶ, କଲକାତା ଓ ଭୋପାଳର ୨୫ ଜଣ ଚିତ୍ରଶିଳ୍ପୀ ମାନେ ଅଂଶଗ୍ରହଣ କରିଛନ୍ତି । ଏହି କର୍ମଶାଳା ଆସନ୍ତା ୭ ଏପ୍ରିଲ ଠାରୁ ଆରମ୍ଭ ହୋଇ ୧୦ ଏପ୍ରିଲ ତାରିଖ ଯାଏଁ ଚାଲିବ । ୧୦ ତାରିଖରେ ସମସ୍ତ ଚିତ୍ର ଗୁଡ଼ିକ ଶକୁନ୍ତଳା ଆର୍ଟ ଗ୍ୟାଲରୀରେ ପ୍ରଦର୍ଶିତ ହେବ ।
