ହରଭଙ୍ଗା: ଓଡ଼ିଶା ଜର୍ଣ୍ଣାଲିଷ୍ଟ ୟୁନିୟନ ବୌଦ୍ଧ ଶାଖାର ସପ୍ତମ ବାର୍ଷିକ ସଭା ହରଭଙ୍ଗା ବ୍ଲକ ପୁରୁଣା କଟକ କଲ୍ୟାଣ ମଣ୍ଡପଠାରେ ରବିବାର ଅନୁଷ୍ଠିତ ହୋଇଯାଇଛି । ଏହି ଅବସରରେ ସଂଘ ର ନୂତନ କର୍ମକର୍ତ୍ତା ଚୟନ ରାଜ୍ୟ ସଭାପତି ଶଶୀଭୂଷଣ ପ୍ରହରାଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି । ସଙ୍ଘର ସମସ୍ତ ସଦସ୍ୟଙ୍କ ମନୋନୀତରେ ଜିଲ୍ଲା ସଭାପତି ଭାବେ ପୂର୍ଣ୍ଣଚନ୍ଦ୍ର ସାହୁ, ସାଧାରଣ ସମ୍ପାଦକ ଭାଗବତ ମେହେର, ଉପସଭାପତି ସୁଧାଂଶୁ ମିଶ୍ର, ସହ ସମ୍ପାଦକ ବଂଶୀଧର ମାଝୀ, କୋଷାଧ୍ୟକ୍ଷ ଦେବାନନ୍ଦ ସାହୁ, ରାଜ୍ୟ କାର୍ଯ୍ୟକାରିଣୀ ସଦସ୍ୟଭାବେ ବିଭୁଦତ୍ତ ବୋଷ, ଜିଲ୍ଲା ସଂଯୋଜକ ଭାବେ ବରିଷ୍ଠ ସଦସ୍ୟ ଦିବ୍ୟରଞ୍ଜନ ପଟ୍ଟନାୟକ, ଉପଦେଷ୍ଟା ମଣ୍ଡଳୀରେ ଯୁଗଳ କିଶୋର ସାମଲ, ସୁକାନ୍ତ ପଟ୍ଟନାୟକ, ଚିତ୍ତରଞ୍ଜନ ସିଂ, କାର୍ଯ୍ୟକାରୀ ସଦସ୍ୟ ଭାବେ ବାସୁଦେବ ସାହୁ, ସୁଶାନ୍ତ ବେହେରା, ଜୟ କୁମାର ମହାରଣା, ପ୍ରଭାତ ସାହୁ ମନୋନୀତ ହୋଇଛନ୍ତି । ସଙ୍ଘର ନୂତନ ସଦସ୍ୟ ଭାବେ ସଦାନନ୍ଦ ନାୟକ ଓ କୁମୁଦ ଚନ୍ଦ୍ର ସାହୁ ଯୋଗ ଦେବା ପାଇଁ ସଙ୍ଘରେ ଆବେଦନ ପତ୍ର ପ୍ରଦାନ କରିଥିଲେ ।
