ସୁବର୍ଣ୍ଣପୁର : ଆଜାଦି କା ଅମୃତ ମହୋତ୍ସବ ଅବସରରେ ଆଜି ସହରର ବାଲାଜୀ ମନ୍ଦିର ପରିସରରୁ ତ୍ରିରଙ୍ଗା ଯାତ୍ରାର ଏକ ବିଶାଳ ପଟୁଆର ଯୁବନେତା ବଳଦେବ ପ୍ରସାଦ ବେଦବାକଙ୍କ ନେତୃତ୍ୱରେ ବାହାରି ସ୍ଥାନୀୟ ବ୍ଲକଛକ ସନ୍ନିକଟସ୍ଥ ବଜାର ସହ ନଗର ପରିକ୍ରମା କରିଥିଲେ । ଏହି ଯାତ୍ରାରେ ପ୍ରଥମେ ବାଲାଜୀଙ୍କୁ ଆଳତି ପ୍ରଦାନ କରି ଏହି ତ୍ରିରଙ୍ଗା ଯାତ୍ରା ଆରମ୍ଭ ହୋଇଥିଲା । ଏହିଯାତ୍ରା ସମୟରେ ଭାରତ ମାତାକି ଜୟ, ବନ୍ଦେ ମାତରଂ ଇତ୍ୟାଦି ଧ୍ୱନିରେ ସାରା ପରିବେଶ ପ୍ରକମ୍ପିତ ହୋଇଉଠିଥିଲା । ଏଥିରେ କେନ୍ଦ୍ର ଯାଦବ ସମାଜର ସମ୍ପାଦକ ତଥା ବିଜେପି ନେତା ବଳରାମ ସିଂ ଯାଦବ, କେସରିୟା ହିନ୍ଦୁ ବାହିନୀର ସଭାପତି ଶ୍ରୀ ବ୍ୟାସଦେବ ମିଶ୍ର, ଜନସଂଖ୍ୟା ଫାଉଣ୍ଡେସନର ଶ୍ରୀମତୀ ଶ୍ରଦ୍ଧାଞ୍ଜଳି ମିଶ୍ର,ସୁରେଶ ମିଶ୍ର, ଗୌର ନାଏକ, ବାପି ଦାଶ, ଶ୍ରୀନିବାସ ମିଶ୍ର, ସୁରେଶ ପାତ୍ର, ଜିତେନ୍ଦ୍ର ମହାପାତ୍ର, କେଶବ ସାହୁ ପ୍ରମୁଖ ଶତାଧିକ କାର୍ଯ୍ୟକର୍ତ୍ତା ଯୋଗ ଦେଇଥିଲେ ।
