ଘୁ ଉଦୟିରି : ଘୁ ଉଦୟିରି ନିର୍ବାଚନ ଅଧିକାରୀଙ୍କ ଦ୍ୱାରା ପୌର ନର୍ବାଚନ ନିମନ୍ତେ ସ୍ଥାନୀୟ ଏନ୍ଏସି କାର୍ଯ୍ୟାଳୟରେ ଗତ ୫ଦିନରେ ୩୭ଜଣ କାଉନସିଲର ପାଇଁ ଓ ୮ଜଣ ଅଧ୍ୟକ୍ଷ ପାଇ ନାମାଙ୍କନ ପତ୍ର ଦାଖଲ କରିଥିଲେ । ଗତକାଲି ଏହାର ଯାଞ୍ଚ ପ୍ରକ୍ରିୟା ରହିଥିଲା । ଏହି ଯାଞ୍ଚ ବେଳେ ନିର୍ବାଚନ ଅଧିକାରୀ ଶୁଭ୍ରାଞ୍ଚଳି ପ୍ରଧାନ ଦୁଇ ଜଣ ସ୍ୱାଧୀନ କାଉନସିଲ୍ ପାର୍ଥୀ( ୫ ନମ୍ୱର୍ ୱାର୍ଡର ଓ ୧୧ନମ୍ୱର୍ ୱାର୍ଡର)ଙ୍କ ଦସ୍ତାବିଜ୍ ଯାଞ୍ଚ କରି ତୃଟି ଥିବା ଜାଣିପାରି ନାକଚ କରିଥିବା ସୂଚନା ରହିଛି । ସୂଚନାଥାଉକି ଆସନ୍ତା ୧୪ ତାରିଖ ସୁଦ୍ଧା ପାର୍ଥୀପତ୍ର ପ୍ରତ୍ୟାହାର ନିମନ୍ତେ ସମୟ ଦିଆଯାଇଥିବା ବେଳେ ଯଦି କେହି ପ୍ରତ୍ୟାହାର କରନ୍ତି ତେବେ ନିର୍ଦ୍ଧିଷ୍ଟ ସମୟ ସୀମା ମଧ୍ୟରେ କରିବାକୁ ହେବ ବୋଲି ନିର୍ବାଚନ ଅଧିକାରୀ ପ୍ରକାଶ କରିଛନ୍ତି,ଯେହେତୁ ଆସନ୍ତା ୨୪ ତାରିଖରେ ହେବ ନିର୍ବାଚନ । ସେଥିନିମନ୍ତେ ନାମାଙ୍କନ ପତ୍ର ଦାଖଲ କରିଥିବା କାଉନସିଲର ୩୭ ଓ ଅଧକ୍ଷ ୮ ଜଣ ମଧ୍ୟରୁ ଦୁଇଜଣଙ୍କ ନାକଚ ପରେ ୩୫ ଜଣଙ୍କ କାଉନସିଲର ଓ ୮ଜଣ ଅଧ୍ୟକ୍ଷଙ୍କ ନାମ ଚୂଡାନ୍ତ ହୋଇଥିବା କାର୍ଯ୍ୟାଳୟ ପକ୍ଷରୁ ସୂଚନା ରହିଛି ।
