ଦଶପଲ୍ଲା : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ମହୀପୁର ଗ୍ରାମପଂଚାୟତ ସମେତ ଦୁରୁଦୁରା ଗ୍ରାମପଞ୍ଚାୟତ ଅନ୍ତର୍ଗତ ବିଭିନ୍ନ ଗ୍ରାମରେ କାଳବୈଶାଖୀ ତାଣ୍ଡବ ଦେଖିବାକୁ ମିଳିଛି । ଶିମିଳିସାହି , ଝରଗାଁ , କିରିଆ ଲାଞ୍ଜି ଗ୍ରାମରେ ବିଭିନ୍ନ ହିତାଧିକାରୀଙ୍କ ଘର ଭାଙ୍ଗିଯିବା ସହିତ ଚାଳ ଛପର ଉଡ଼ିଯାଇଛି ତତ୍ ସହିତ ଘରର ଆସବାବପାତ୍ର, ଧାନ, ମୁଗ, ବିରି ସମ୍ପୂର୍ଣ୍ଣ ଓଦା ହେଇଯାଇଛି । ଗଗନ ମହାପାତ୍ର, ଜୟକୃଷ୍ଣ ନାୟକ, ରୁଷିଆ ନାୟକ, ହାଲ ପ୍ରଧାନ, ସୁବାସ ପ୍ରଧାନ, ଦିଲି ପ୍ରଧାନ ପ୍ରମୁଖଙ୍କର କ୍ଷୟକ୍ଷତି ହୋଇଛି । କ୍ଷତିଗ୍ରସ୍ତ ହିତାଧିକାରୀଙ୍କୁ ସ୍ଥାନୀୟ ସରପଞ୍ଚ ସଞ୍ଜୟ କୁମାର ସାହୁ, ସମିତିସଭ୍ୟ ଗଗନ ବିହାରୀ ମହାପାତ୍ର, ମନ୍ଦିପୁର ରାଜସ୍ୱ ନିରୀକ୍ଷକ ଅଶୋକ କୁମାର ପଢ଼ିଆରା ପ୍ରମୁଖ ପହଞ୍ଚି କ୍ଷତିଗ୍ରସ୍ତଙ୍କୁ ସରକାରୀ ସହାୟତା ଦେବା ପାଇଁ ଦାବୀ କରିଛନ୍ତି ।
