ଖପ୍ରାଖୋଲ: ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଖପ୍ରାଖୋଲ ପଞ୍ଚାୟତ ଅନ୍ତର୍ଗତ ମହୁରୁଣ୍ଡି ଗାଁର ସ୍କୁଲକୁ ଖପ୍ରାଖୋଲ ୪ନଂ ଜୋନ ଜିଲ୍ଲାପରିଷଦ ପ୍ରମିଳା ପାଥର ପରିଦର୍ଶନ କରି ବିଭିନ୍ନ ଆନୁସଙ୍ଗିକ ସ୍ଥିତିର ଅନୁଧ୍ୟାନ କରିଛନ୍ତି । ବୁଧବାର ଦିନ ମହୁରୁଣ୍ଡି ସ୍କୁଲ ପରିଦର୍ଶନ କରି ସ୍କୁଲର ଅଭାବ ଅସୁବିଧା ଓ ମୌଳିକ ସମସ୍ୟା ସମ୍ପର୍କରେ ଶିକ୍ଷକ ପ୍ରଫୁଲ୍ଲ କୁମାର ପ୍ରଧାନ ଓ ଶିକ୍ଷୟତ୍ରୀ ମଥୁରା ପଧାନଙ୍କ ସହ ଆଲୋଚନା କରିଥିଲେ । ମହୁରୁଣ୍ଡି ସ୍କୁଲର ଏହି ପରିଦର୍ଶନ ବେଳେ ଖପ୍ରାଖୋଲ ୪ନଂ ଜୋନର ପ୍ରମିଳା ପାଥରଙ୍କ ପ୍ରତିନିଧି ଶୋଭାପତି ପାଥର ସମେତ ଶିକ୍ଷକ,ଶିକ୍ଷୟତ୍ରୀ ଓ ଛାତ୍ରଛାତ୍ରୀ ଉପସ୍ଥିତ ରହିଥିଲେ । ସ୍କୁଲର ଶିକ୍ଷକ ମାନେ ଜିଲ୍ଲାପରିଷଦ ସଭ୍ୟାଙ୍କୁ ବିଭିନ୍ନ ସମସ୍ୟା ସଂପର୍କରେ ଅଭିଯୋଗ କରିଥିଲେ । ଗୋଟିଏ କୋଠରୀରେ ୬୦ ଜଣ ଛାତ୍ରଛାତ୍ରୀ ପାଠପଢ଼ନ୍ତି…ନାଁ ଅଫିସ ଅଛି ନାଁ ପଢ଼ିବା ପାଇଁ କୋଠରୀ ଅଛି ୧ ବର୍ଷ ହେଲା ମନ୍ଥର ଗତି ରେ କାମ ଚାଲିଥିବା ସେମାନେ କହିଥିଲେ । ସ୍କୁଲ କୋଠରୀକୁ ଶୀଘ୍ର ସମ୍ପୂର୍ଣ୍ଣ କରିବାକୁ ସେମାନେ ଦାବି କରିଥିଲେ । ଜିଲ୍ଲାପରିଷଦ ସଭ୍ୟା କହିଥିଲେ ଖପ୍ରାଖୋଲ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ କହି ଅତି ଶୀଘ୍ର କୋଠରୀ ସମସ୍ୟା ସମାଧାନ କରାଇବି ଓ ମୋର ଜିଲ୍ଲାପରିଷଦ ପାଣ୍ଠିରୁ ନୂତନ ସ୍କୁଲ ନିର୍ମାଣ ପାଇଁ ୪ଲକ୍ଷ ଟଙ୍କା ଦେବି ବୋଲି ପ୍ରତିଶ୍ରୁତି ଦେଇଛନ୍ତି ।
