ଆଠଗଡ: ବଡ଼ମ୍ବା ଥାନା ଅନ୍ତର୍ଗତ ଗୋପିନାଥପୁର ଗାଁର ଟି-ସେତୁ ଉପରେ ଦୁଇ ବାଇକ୍ ମୁହାଁ ମୁହିଁ ଧକ୍କା । ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତରଙ୍କୁ ଉଦ୍ଧାର କରାଯାଇ ବଡ଼ମ୍ବା ଡାକ୍ତରଖାନାକୁ ଭର୍ତ୍ତି କରାଯାଇଥିଲା। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ସୂଚନା ମୁତାବିକ, ନୟାଗଡ଼ ଜିଲ୍ଲା କରବର ଗ୍ରାମର ଭାରତ ଜେନା ଏବଂ ତାଙ୍କର ୧୦ ବର୍ଷର ଝିଅ ସୁପ୍ରିୟା ଜେନା ବାଇକ୍ ଯୋଗେ ବନ୍ଧୁ ଘରକୁ ନିଜ ଫେରୁଥିବା ସମୟରେ ବଡ଼ମ୍ବା ଗୋପାମଥୁରା ବାଙ୍କୀ ବୈଦେଶ୍ଵର ପଟୁ ଆସୁଥିବା ଅକ୍ଷୟ କୁମାର ନାୟକ ବାଇକ୍ ସହ ଧକ୍କା ହୋଇଥିଲା । ଟି -ସେତୁ ଉପରେ ବାଇକ୍ ମୁହାଁ ମୁହିଁ ଧକ୍କା ହେବା ଫଳରେ ସୁପ୍ରିୟା ଜେନା ଓ ଅକ୍ଷୟ କୁମାର ନାୟକ ଘଟଣା ସ୍ଥଳରେ ମୃତ୍ୟୁ ହୋଇଛି । ଭରତ ଜେନା ଓ ସୁଜାତା ଜେନାଙ୍କୁ ଗୁରୁତର ଅବସ୍ଥାରେ ବଡ଼ମ୍ବା ଡାକ୍ତରଖାନାକୁ ନିଆଯାଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
