ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତ ଓ ଗ୍ରାମ ମାନଙ୍କରେ ହନୁମାନ ଜୟନ୍ତୀ ଧୁମଧାମରେ ପାଳିତ ହୋଇଯାଇଛି । ଏହି ଅବସରରେ ନନ୍ଦାହାଣ୍ଡି ଗ୍ରାମ ଠାରେ ପ୍ରଭୁ ହନୁମାନଙ୍କ ନୂତନ ବିଗ୍ରହ ଓ ଭବ୍ୟ ମନ୍ଦିରର ପ୍ରତିଷ୍ଠା କରାଯାଇଛି ଏବଂ ଏଠାରେ ଅଷ୍ଟପ୍ରହରୀ ନାମ ଯଜ୍ଞ ଅନୁଷ୍ଠିତ କରାଯାଇଛି । ସେହିଭଳି ଡଙ୍ଗରଭେଜା ଗ୍ରାମଠାରେ ଥିବା ପଞ୍ଚମୁଖୀ ହନୁମାନ ମନ୍ଦିର ଠାରେ ପୂଜା ଅର୍ଚ୍ଚନା ପରେ କମିଟିର ସଦସ୍ୟ ମାନଙ୍କ ଦ୍ୱାରା ପଣା ବଣ୍ଟନ କରାଯାଇଛି । ସେହିପରି ସିନ୍ଧିଗୁଡା, ମାଳିଗୁଡା,ଭଞ୍ଜଗୁଡା ହନୁମାନ ମନ୍ଦିର ଠାରେ ମଧ୍ୟ ପୂଜା ଅର୍ଚ୍ଚନା ସହ ପଣା ବଣ୍ଟନ କରାଯାଇଛି । ଏହି ଅବସରରେ ସରୁଗୁଡା ଗ୍ରାମ୍ୟ ପୂଜା କମିଟି ଆନୁକୂଲ୍ୟରେ ସରୁଗୁଡା ହନୁମାନ ମନ୍ଦିରଠାରେ ଭବ୍ୟ ପୂଜାର୍ଚ୍ଚନା ପରେ ପଣା ବଣ୍ଟନ ଓ ଶତାଧିକ ଛୋଟ ଛୋଟ ଛୁଆମାନଙ୍କୁ ଅନ୍ନ ପ୍ରସାଦ ବଣ୍ଟନ କରାଯାଇଛି । ସନ୍ଧ୍ୟାରେ ସାରେଗାମା ମେଲୋଡି ଗ୍ରୁପ୍ ଦ୍ୱାରା ଭଜନ ସନ୍ଧ୍ୟାର ଆୟୋଜନ କରାଯାଇଛି । କମିଟିର ସଦସ୍ୟମାନଙ୍କ ଦ୍ୱାରା ଏକ ମୋଟର ସାଇକେଲ ରାଲିରେ ଆୟୋଜନ କରାଯାଇଥିଲା । ଆଜି ନନ୍ଦାହାଣ୍ଡି ବ୍ଲକର ସମସ୍ତ ଅଞ୍ଚଳରେ ଧୁମ୍ଧାମରେ ଏହି ଉତ୍ସବ ପାଳନ କରାଯାଇଥିଲା ।
