ପାଟଣାଗଡ଼ : ବଲାଙ୍ଗୀର ଜିଲା ପାଟଣାଗଡ଼ ବ୍ଲକରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ସୁରେଶ ଚନ୍ଦ୍ର ସାହୁ (୫୪)ଙ୍କ ସନ୍ଦେହଜନକ ମୃତ୍ୟୁ ଘଟିଛି । ପାଟଣାଗଡ଼-ବନକାବିହାର ରାସ୍ତାକଡ଼ ଏକ କପା କିଆରୀରେ କନିଷ୍ଠ ଯନ୍ତ୍ରୀ ସାହୁଙ୍କ ମୃତଦେହ ପଡ଼ିଥିବା ଖବର ମିଳିବା ପରେ ପାଟଣାଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛିି । କିଭଳି ପରିସ୍ଥିତିରେ ତାଙ୍କର ମୃତ୍ୟୁ ଘଟିଛି ତାହା ସ୍ପଷ୍ଟ ହୋଇନାହିଁ । ସାହୁଙ୍କ ମୁଣ୍ଡରେ ରକ୍ତଚିହ୍ନ ଲାଗିଥିବାରୁ ତାଙ୍କୁ ମାଡ଼ ମରାଯାଇଥିବା ସନ୍ଦେହ କରାଯାଉଛି । ପାଟଣାଗଡ଼ ଏସ୍ଡିପିଓ ଜ୍ୟୋର୍ତିମୟ ଭୁକ୍ତା ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛନ୍ତି । ମୃତ ସୁରେଶ ଚନ୍ଦ୍ର ସାହୁ ଯନ୍ତ୍ରୀ ଭାବରେ ପାଟଣାଗଡ ବ୍ଲକରେ ଗତ ଦୁଇବର୍ଷ ହେଲା କାର୍ଯ୍ୟରତ ଥିଲେ । ତାଙ୍କ ଘର କଟକ ଜିଲା ନିଆଳି ଅଞ୍ଚଳର ବୋଲି ଜଣାପଡିଛି ।
