କଣ୍ଟାବାଞ୍ଜି: ତୁରେକେଲା ବ୍ଳକ ଅନ୍ତର୍ଗତ ଉନ୍ନୀତ ଉଚ୍ଚ ବିଦ୍ୟାଳୟ ଭାଲୁକୁନାଠାରେ ବିଶ୍ୱ ରେଡ଼କ୍ରସ ଦିବସ ପାଳିତ ହୋଇଯାଇଛି । ସର୍ବପ୍ରଥମେ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ତଥା ଜୁନିୟର ରେଡ଼କ୍ରସ ପରାମର୍ଶ ଦାତା ମାନଙ୍କ ଉପସ୍ଥିତିରେ ରେଡ଼କ୍ରସ ପତାକା ଉତ୍ତୋଳନ କରାଯାଇଥିଲା । ତାପରେ ବିଦ୍ୟାଳୟର ପ୍ରଧାନ ଶିକ୍ଷକ ବବରୁ ମାଝୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ବଲାଙ୍ଗୀର ଜିଲ୍ଲା ଜୁନିଅର ରେଡ଼କ୍ରସ ଅଧିକାରୀ ସୁବାଷ ଚନ୍ଦ୍ର ପଟେଲ, ସମ୍ମାନିତ ଅତିଥି ଭାବରେ ରକ୍ଷକ ତଥା ଜୁନିଅର ରେଡ଼କ୍ରସ ପରାମର୍ଶ ଦାତା ବିରଂଚି ନାରାୟଣ ଦାଶ, ବ୍ଳକ ସଂଯୋଜକ ରାଜେନ୍ଦ୍ର ଦୋରା, ଭୁତପୂର୍ବ ବ୍ଳକ ସଂଯୋଜକ ଆଶିଷ ମିଶ୍ର, ସିଆରସିସି ପ୍ରେମରାଜ ପାଣିଗ୍ରାହୀ ଯୋଗଦେଇଥିଲେ । ଚଳିତ ବର୍ଷର ବିଷୟବସ୍ତୁ ବି ହ୍ୟୁମାନକାଇଣ୍ଡ ଉପରେ ଅତିଥି ମାନେ ନିଜ ନିଜର ମତବ୍ୟକ୍ତ କରିଥିଲେ । ବୁଦ୍ଧଦେବ ସିଦାର ସଭା ପରିଚାଳନା ଓ ସୁରସେନ ମାଝୀ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ଜୁନିଅର ରେଡ଼କ୍ରସ ପରାମର୍ଶଦାତା ଅବିନାଶ ମାଝୀ, ପ୍ରସନ୍ନ ମେହେର, ଶିକ୍ଷକ ଜଗମୋହନ ସେଠୀ, ଦୀପକ ବେହେରା, ବଳଦେବ ସୁନା, ଗଇନ୍ଦିମାଲ ଉଚ୍ଚ ବିଦ୍ୟାଳୟର ଶିକ୍ଷକ ଶଙ୍କର ନାଗ,ରାଜେନ୍ଦ୍ର କୁମାର ଧରୁଆ, ଲକ୍ଷ୍ମଣ ମାଝୀ, ଶେଷଦେବ ଶବର,ଗୋବିନ୍ଦ ହିଁଆଲ, ଛାୟାକାନ୍ତ ସେଠ,ପୁରନ୍ଦର ବାରଲେବଡିଆ ପ୍ରମୁଖ ସହଯୋଗ କରିଥିଲେ ।
