ବଲାଙ୍ଗୀର : ଆସନ୍ତା ୧୮ତାରିଖକରେ ସରକାରୀ ଆଇଟିଆଇ, ଲର୍କିପାଲି ଠାରେ ମିନି ନିଯୁକ୍ତି ମେଳା ଅନୁଷ୍ଠିତ ହେବ ବୋଲି ଜଣାପଡିଛି । ସୂଚନା ଅନୁଯାୟୀ ବୟନ ଶିଳ୍ପ, ସୁରକ୍ଷା, ହୋଟେଲ, ନିର୍ମାଣ ଓ ସୂଚନା ଓ ପ୍ରଯୁକ୍ତି ବିଦ୍ୟା ଆଦିର ବିଭିନ୍ନ ସଂସ୍ଥା ଯୋଗଦାନ କରି ଯୋଗ୍ୟ ଓ ଇଚ୍ଛୁକ ପ୍ରାର୍ଥୀଙ୍କୁ ନିଯୁକ୍ତି କରିବେ । ସେହିପରି ରାଜ୍ୟ ସରକାରଙ୍କ ସହ ବୁଝାମଣାପତ୍ର ସ୍ୱାକ୍ଷର କରିଥିବା ତାଲିମ ପ୍ରଦାନକାରୀ ସଂସ୍ଥା ମଧ୍ୟ ଅଂଶଗ୍ରହଣ କରିବେ । ପଞ୍ଚମ ପାସ ଓ ତତୁର୍ଦ୍ଧ ଶିକ୍ଷାଗତ ଯୋଗ୍ୟତା ଓ ୧୮ରୁ ୩୫ବର୍ଷ ବୟସ୍କ ଯୁବକ ଯୁବତୀ ଅଂଶଗ୍ରହଣ କରିପାରିବେ । ଉକ୍ତ ମିନି ନିଯୁକ୍ତି ମେଳାର ସୁଯୋଗ ନେବା ପାଇଁ ଜିଲ୍ଲା ନିୟୋଜନ ଅଧିକାରୀ ଯୁବକଯୁବତୀ ଆଗେଇ ଆସିବେ ବୋଲି ଆଶାବ୍ୟକ୍ତ କରିଛନ୍ତି ।
