ଦଶପଲ୍ଲା : ଓଡ଼ିଶା ସରକାରଙ୍କ ଦ୍ୱାରା ରାଜ୍ୟର ୫-ଟି ଅନ୍ତର୍ଭୁକ୍ତ ସମସ୍ତ ହାଇସ୍କୁଲରେ ପିଟିଏ ବୈଠକ କରିବା ପାଇଁ ନିର୍ଦ୍ଦେଶନାମା ଜାରି କରାଯାଇଥିଲା । ସେହି ଆଧାରରେ ଦଶପଲ୍ଲା ବ୍ଲକ ଅନ୍ତର୍ଗତ ଟାକରା ପଞ୍ଚାୟତରେ ଥିବା ସରକାରୀ ଉଚ୍ଚ ବିଦ୍ୟାଳୟ( ଟାକରା) ତରଫରୁ ବିଦ୍ୟାଳୟରେ ଅଧ୍ୟୟନ କରୁଥିବା ଛାତ୍ରଛାତ୍ରୀଙ୍କ ଅଭିଭାବକ, ବିଦ୍ୟାଳୟର ଶିକ୍ଷକ ଏବଂ ପରିଚାଳନା କମିଟିର ସଭ୍ୟସଭ୍ୟାଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ବିଦ୍ୟାଳୟ ପରିଚାଳନା କମିଟିର ସଭାପତି ଜଗବନ୍ଧୁ ଆଚାର୍ଯ୍ୟ,ବିଦ୍ୟାଳୟର ଭରପ୍ରପ୍ତ ପ୍ରଧାନ ଶିକ୍ଷକ ନୀଳମଣି ନାଏକ, ବିଦ୍ୟାଳୟର ବରିଷ୍ଠ ଶିକ୍ଷକ ଅନ୍ନଦା ପ୍ରସାଦ ଡାକୁଆ ଏହାକୁ ପରିଚାଳନା କରିଥିଲେ । ଏହି ବୈଠକରେ ୫-ଟି ହେଲେ କ’ଣ କ’ଣ ଉନ୍ନତୀ ହୋଇପାରିବ ପ୍ରଧାନ ଶିକ୍ଷକ ଓ ବରିଷ୍ଠ ଶିକ୍ଷକ ଏବଂ ପରିଚାଳନା କମିଟିର ସଭାପତି ବିସ୍ତୃତ ଭାବରେ ଆଲୋଚନା କରିବା ସହ ଅଭିଭାବକମାନଙ୍କର ମିଳିତ ସହଯୋଗ ବିଦ୍ୟାଳୟର ରୂପାନ୍ତରଣରେ ପ୍ରମୁଖ ଭୂମିକା ନେବ ବୋଲି ସମସ୍ତ ମତ ପ୍ରକାଶ କରିଛନ୍ତି ।
